Гродзенцы адзначалі праводзіны ў войска і разграмілі дом. Але яны нічога не памятаюць
У Гродне маладыя людзі з размахам адзначылі праводзіны прыяцеля ў войска. З гэтай нагоды знялі прыватны дом, а колькасць гасцей была за два дзясяткі, прычым у працэсе яны прыбывалі, паведамляе міліцыя.
З раніцы ў жылое памяшканне прыйшла гаспадыня і вачам не паверыла. Унутры быў бардак, разбіта частка вокнаў, зламаны таршэр, прапаў пыласос, а частка рэчаў з дома плавала ў сажалцы. Раззлаваныя жанчына вырашыла звярнуцца ў міліцыю, і ўжо супрацоўнікі органаў унутраных спраў сталі разбірацца, што адбылося.
З хлопцаў па зразумелых прычынах ніхто толкам нічога не памятае, але яны шкадуюць праз здарэнне. Сваімі сіламі яны спрабавалі адшукаць у сажалцы зніклы пыласос, нават ныралі, але тэхніка аказалася ў аднаго з удзельнікаў бяседы дома. Як — зноў жа ніхто не памятае.
Арганізатар вечарыны кампенсаваў гаспадыні частку шкоды, у тым ліку сродкі ад планаванай здачы катэджа на наступныя суткі іншым людзям. Пасля адпачынку моладзі жыллё было проста непрыдатным для камфортнага знаходжання ў кароткатэрміновай перспектыве.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары