Германскі бок прапануе Беларусі заснаваць сумеснае агенцтва энэргетыкі. Такую прапанову агучыў сна семінары ў Мінску «Паляпшэнне ўмоваў для прыцягнення замежных інвестыцый» прадстаўнік Камітэту па ўсходнееўрапейскіх адносінах (Германія) Райнер Лінднер.
«Аналагічнае агенцтва мы нядаўна стварылі з Расіяй. На гэтым прыкладзе можна сцвярджаць, што гэта вельмі важны і выгадны праект для абодвух зацікаўленых бакоў», ‑‑ сказаў Райнер Лінднер.
Паводле ягоных словаў, у другой палове гэтага году Усходні камітэт арганізуе ў Германіі эканамічны форум, куды запрошаныя прадстаўнікі Беларусі. Таксама Лінднер паведаміў пра запрашэнне беларускіх прадпрыемстваў узяць удзел у Гановерскім кірмашы.
Тавараабарот Беларусі і Германіі склаў у 2008 годзе 2,5 млрд еўра. На думку прадстаўніка Камітэта па ўсходнееўрапейскіх адносінах, тут ёсць яшчэ вельмі вялікі нерэалізаваны патэнцыял. «Для параўнання: товараабарот Германіі з Чэхіяй, насельніцтва якой таксама каля 10 млн, складае 56 млрд еўра», — адзначыў ён.
Райнер Лінднер звярнуў увагу на неабходнасць умацавання ў Беларусі класу незалежных прадпрымальнікаў, што маюць свабодныя рычагі для ажыццяўлення бізнэсу і здольныя ўзяць на сябе пэўныя рызыкі.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары