У Мінадукацыі пракаментавалі інцыдэнт у гомельскай школе, дзе настаўніца траўміравала школьніцу
Міністэрства адукацыі на сваім афіцыйным сайце адрэагавала на інцыдэнт у гомельскай школе паміж настаўнікам і вучаніцай.
«Незалежна ад сукупнасці абставін рэакцыя педагога на паводзіны навучэнца была недапушчальнай. Міністэрства адукацыі неаднаразова расказвала пра недапушчальнасць праяўлення агрэсіі або гвалту ў дачыненні да непаўналетніх», — паведамляе міністэрства.
Праводзіцца ўнутранае расследаванне, па выніках якога будуць прыняты адпаведныя рашэнні.
Каб надалей выключыць паўтарэнне падобных негатыўных выпадкаў, міністэрства просіць педагогаў выконваць дакладны алгарытм дзеянняў у такіх сітуацыях.
«Любы гвалт (фізічны ў выглядзе біцця ў карак або псіхалагічны ў форме нецэнзурных выказванняў) з пазіцыі педагога недапушчальны», — адзначае міністэрства.
Нагадаем, 21 студзеня паміж настаўнікам і вучаніцай трэцяга класа гомельскай гімназіі № 71 адбыўся канфлікт: педагог схапіў за вуха дзяўчынку-трэцякласніцу і траўміраваў яе. Бацькі напісалі заяву ў міліцыю.
Каментары