Аэрапорт Мінск і WizzAir па асноўных пазіцыях дамовіліся, але рашэнне аб даце палётаў за авіякампаніяй
Нацыянальны аэрапорт Мінск і венгерская лаукост-кампанія WizzAir па асноўных пазіцыях дамовіліся, але рашэнне аб даце пачатку палётаў у Беларусь за авіякампаніяй, паведаміў сёння журналістам дырэктар Дэпартамента па авіяцыі Мінтранса Арцём Сікорскі, піша БЕЛТА.
«Паводле інфармацыі Нацыянальнага аэрапорта Мінск, праведзены канструктыўныя перамовы, па ўсіх асноўных пазіцыях яны дамовіліся, цяпер засталося пытанне з венгерскім бокам, калі WizzAir прыйдзе. На гэтым тыдні запланаваны кансультацыі з паслом Венгрыі, якія пройдуць у Дэпартаменце па авіяцыі, я спадзяюся, там будзе даведзена пазіцыя венгерскага боку. Мы ў цэлым гатовыя кансультаваць, ўзаемадзейнічаць з венгерскім бокам, каб перавозчык рэалізаваў пагадненні, якія існуюць паміж адміністрацыямі», — сказаў Арцём Сікорскі.
Прадстаўнік Мінтранса звярнуў увагу, што пагадненне паміж авіяцыйнымі адміністрацыямі Беларусі і Венгрыі падпісана, перавозчык у любы момант можа пачаць палёты пасля праходжання пэўных працэдур акрэдытацыі.
«Ёсць дамоўленасць аб палётах Будапешт-Мінск, пра намер лётаць у абласныя аэрапорты венгерскі перавозчык не паведамляў», — сказаў Сікорскі
Раней паведамлялася, што WizzAir можа пачаць лётаць у Мінск з Будапешта ўвесну.
-
Дырэктарка дзіцячага цэнтру, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
-
МЗС: Пацярпелых сярод беларусаў у Ізраілі і Іране няма
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска6
Каментары