Нягледзячы на паляпшэнне сітуацыі з каранавірусам у Еўропе, у цэлым у свеце яна пагаршаецца, пандэмія ахоплівае ўсё больш людзей у розных краінах, заявіў генеральны дырэктар Сусветнай арганізацыі аховы здароўя.
На працягу дзевяці з апошніх дзесяці дзён колькасць новых хворых перавышала 100 тысяч чалавек у суткі.
Больш за 75% выпадкаў заражэння, якія былі выяўлены за ўчора, адбыліся ў Паўднёвай і Паўночнай Амерыцы і ў Паўднёвай Азіі. Колькасць выпадкаў заражэння COVID-19 усё яшчэ расце ў большасці краін Афрыкі.
Таксама паведамленні пра рост колькасці заражаных паступаюць з часткі краін Усходняй і Цэнтральнай Еўропы, а таксама з Цэнтральнай Азіі.
Каментары