У Мінску затрымалі блогера, які патэлефанаваў у міліцыю і спытаўся, як не апынуцца ў аўтазаку
Блогера і ўдзельніка праекта obzoor.by Івана Пруса, паводле інфармацыі Telegram-канала «Отчислено», затрымалі ў пятніцу каля 17:00. Прычынаю стаўся званок у Маскоўскі РУУС, дзе ён спрабаваў даведацца: як трэба сябе паводзіць на вуліцы, каб не апынуцца ў аўтазаку. Відэазапіс размовы набраў больш за 8 тысячаў праглядаў, піша belsat.eu
«Калі коратка: не турбуйцеся, анікога анідзе ў аўтазакі не забіраюць. Так што можна расслабіцца і спаць спакойна. А міліцыя ўжо паклапацілася аб нашым спакоі», — падвёў ён вынік.
Зараз Іван знаходзіцца ў ІЧУ на Акрэсціна, а ў панядзелак яго чакае суд паводле арт. 17.1 КаАП РБ (дробнае хуліганства).
Гэтую інфармацыю «Белсату» пацвердзілі і ўдзельнікі праекту obzoor.by.
«Так, Ваню затрымалі. Ён на Акрэсціна. Зараз шукаем яму адваката і адпраўляем тэлеграмы ў ІЧУ, каб ён не сумаваў», — паведамілі нам.
Таксама яны распавялі, што Івана затрымалі недзе ў горадзе, магчыма, за ім сачылі.
Пасля брутальнага разгону чаргі да крамы Symbal.by у Менску шмат хто з беларусаў пачаў тэлефанаваць у РУУС і пытаць, як знаходзіцца на вуліцы і не быць затрыманым. Аднак Іван — першы чалавек, якога затрымалі праз гэта.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары