«Нас 97%!» Сотні беларусаў выйшлі на Маршы салідарнасці ў Варшаве, Празе і нават на Кіпры ВІДЭА
Сотні беларусаў Варшавы выйшлі на Марш салідарнасці і пратэсту супраць палітыкі Аляксандра Лукашэнкі. Вось жывы стрым:
Шэсце распачалося а 12:00 ад помніка Тадэвуша Касцюшкі, потым скіруецца на вуліцу Маршалкоўскую, дзе ўдзельнікі стануць у жывы ланцуг, піша Белсат.
Удзельнікаў акцыі заклікаюць прыносіць самаробныя плакаты, нацыянальную сімволіку.
На мітынгу ў Варшаве выступіла спецдакладчыца ААН аб правах чалавека ў Беларусі Анаіс Марэн. Яна заклікала беларускія ўлады спыніць пераслед і палітычны ціск на грамадзянскую супольнасць.
«Пасля трагедыі ў 2010 годзе мы бачым, што ўлады вяртаюцца да рэпрэсіяў яшчэ да выбараў. Мы заклікалі спыніць пераслед і забяспечыць свабодныя выбары, але нас не паслухалі», — сказала Анаіс Марэн.
Многія прыйшлі з самаробнымі плакатамі «Нас 97%» і «Псіхо3%». Некаторыя прыйшлі з партрэтамі Віктара Бабарыкі і сімволікай яго кампаніі, з партрэтамі іншых палітвязняў.
Людзі спявалі песню «Разбуры турмы муры».
Адначасова шматлюдныя, з удзелам соцень людзей, акцыі салідарнасці прайшлі ў Празе і на Кіпры — дзе ніколі раней беларуская дыяспара не праводзіла масавых акцый.
Вось відэа з Кіпра:
Усюды людзі прыйшлі з Пагонямі і нацыянальнымі сцягамі.
Яны гавораць па-руску і па-беларуску, але аднолькава скандуюць «Жыве Беларусь!» і «Уході».
-
Сінод БПЦ выступіў з зваротам у сувязі з нібыта ганеннямі на Украінскую праваслаўную царкву Маскоўскага патрыярхата
-
Колькасць працоўных мігрантаў вырасла ў Беларусі ў паўтара раза. Расце і злачыннасць сярод замежнікаў
-
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м3
Каментары