«Наша бачанне ў тым, што заходнія краіны не павінны прызнаваць вынікі прэзідэнцкіх выбараў у Беларусі. Ім варта прызнаць Святлану Ціханоўскую адзіным легітымным лідарам, — сказаў ён у аўторак падчас відэаканферэнцыі, піша ТАСС.
«Расія прызнала Аляксандра Лукашэнку пераможцам на выбарах і павіншавала яго. Гэта тое, чаго заходнія краіны не павінны рабіць», — мяркуе ён.
Цапкала выйшаў у эфір з кіеўскага аэрапорта перад рэйсам у Варшаву. На яго думку, сітуацыю ў Беларусі не варта параўноўваць з падзеямі ва Украіне.
«Мы не можам параўноўваць сітуацыю ў Беларусі з Украінай. Ва Украіне сітуацыя ў нацыянальным, рэлігійным і культурным планах значна больш розная, — адзначыў экс-прэтэндэнт. — Людзі на усходзе і на захадзе Украіны галасавалі за розных лідараў. Вынікі ж выбараў у розных частках Беларусі аднолькавыя».
На пытанне аб магчымай рэакцыі Расіі на знешняе ўмяшанне ў справы Беларусі Цапкала адзначыў, што ў «Масквы ёсць геапалітычныя інтарэсы, і яна не хоча таго, каб войскі NATO з'явіліся каля Смаленска». «Расія ніколі гэтага нікому не дазволіць», - мяркуе ён.
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
-
Расійскага блогера-жанчынаненавісніка затрымалі за «рэабілітацыю нацызму»
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары