Студэнты і выпускнікі ФФСН асудзілі гвалт ва ўніверсітэтах і зладзілі перформанс ВІДЭА
Навучэнцы і выпускнікі факультэта філасофіі і сацыяльных навук Беларускага дзяржаўнага ўніверсітэта ў адкрытым лісце выказалі сваё спачуванне ўсім затрыманым і пацярпелым падчас мірных акцый пратэсту прадстаўнікам вышэйшых навучальных устаноў Беларусі, а таксама запісалі відэа, на якім чытаюць верш Янкі Купалы «А хто там ідзе?». У адкрытым звароце — больш за 400 прозвішчаў.
«Вышэйшая адукацыя сама па сабе непазбежна павышае крытычнасць мыслення. Гэта якасць неабходна для спецыялістаў, якіх рыхтуе ўніверсітэт, і яно не можа існаваць толькі ў межах вучэбнай аўдыторыі, але заўсёды распаўсюджваецца на ўсе сферы жыцця адукаванага чалавека. Свабода мыслення, свабода думкі і выказванні таксама з'яўляюцца неад'емнымі рысамі ўніверсітэта, і ўсякі замах на іх вядзе да знішчэння вышэйшай адукацыі і навуковай дзейнасці наогул. Ні навучальны працэс, ні навукова-даследчая дзейнасць немагчымыя пад прымусам і ў атмасферы страху, якая зусім паралізуе інтэлектуальную актыўнасць», — нагадваюць аўтары звароту.
І сілавое рэагаванне на галоснае выказванне сваёй пазіцыі студэнтамі або супрацоўнікамі ўніверсітэтаў — безумоўна разбуральная з'ява, наступствы якой усім цяжарам лягуць на будучыню нашай краіны, перакананыя выкладчыкі, студэнты і выпускнікі факультэта.
У святле вышэйсказанага заклікаем Міністэрства адукацыі і адміністрацыі ўніверсітэтаў Рэспублікі Беларусь:
- звярнуцца да Міністэрства ўнутраных спраў і іншых сілавых структур Рэспублікі Беларусь з заклікам спыніць уварванне на тэрыторыю навучальных устаноў і ўмяшання ў навучальны працэс, спыніць усялякія праявы жорсткасці па адносінах да супрацоўнікаў і навучэнцаў на тэрыторыі навучальных устаноў, таксама падчас мірных акцый пратэсту;
— забяспечыць абарону супрацоўнікаў і студэнтаў, выключыць магчымасць пагроз, прымусу і гвалту з боку прадстаўнікоў сілавых структур у дачыненні да супрацоўнікаў і навучэнцаў у сценах навучальных устаноў;
— адкрыта выступіць у абарону акадэмічных і грамадзянскіх свабод і асудзіць усякі гвалт на тэрыторыі ўніверсітэта і за яго межамі.
Аўтары звароту неаднаразова заклікалі да перамоў адміністрацыю факультэта філасофіі і сацыяльных навук БДУ, каб публікаваць дадзены ліст на старонцы факультэта, аднак адміністрацыя адмовілася ад такога кроку.
-
Купілі ў Польшчы iPhone 17 і едзеце з ім у Беларусь — ці трэба плаціць на мяжы?
-
У Гомелі трое студэнтаў з цацачнымі аўтаматамі напалохалі дзяўчыну
-
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю
Каментары