Кіеў гатовы стаць пасярэднікам у працэсе пераадолення існуючага ў Беларусі палітычнага крызісу. Пра гэта ў сераду заявіў міністр замежных спраў Украіны Дзмітрый Кулеба.
«Наша дзяржава магла б стаць нейтральным медыятарам для садзейнічання пераадоленню палітычнага крызісу», — сказаў ён у каментары агенцтву РБК-Украіна.
Паводле яго слоў, нягледзячы на апошнія падзеі і заявы Мінска, Беларусь застаецца для Украіны дружалюбнай суседскай дзяржавай.
Кулеба таксама заявіў, што ў пытанні ўвядзення санкцый у дачыненні да Беларусі Украіна будзе зыходзіць, перш за ўсё, з сваіх нацыянальных інтарэсаў.
«Калі ЕС вырашыць ўводзіць санкцыі супраць Беларусі, мы будзем уважліва вывучаць гэтае рашэнне. Пакуль яго няма. Для нас важныя нацыянальныя інтарэсы Украіны, палітычныя і эканамічныя», — падкрэсліў кіраўнік МЗС.
«Наша дзяржава магла б стаць нейтральным медыятарам для садзейнічання пераадоленню палітычнага крызісу. На жаль, замест рукі сяброўскай дапамогі, якую працягнула Украіна, Аляксандр Лукашэнка паставіў усё на задушлівыя абдымкі Уладзіміра Пуціна», — сказаў Кулеба.
-
У ЗША знайшлі цела шасцігадовага хлопчыка — маці кажа, што з яго «выганялі дэманаў»
-
На працоўным стале ў Пуціна стаіць камп'ютар з аперацыйнай сістэмай, якая ўжо шмат год не абнаўляецца
-
Трамп неанансавана перагаварыў з Пуціным: Пуцін сказаў, і вельмі рашуча, што яму давядзецца адказаць на атаку па аэрадромах
Каментары