Паўлічэнка звольнены з вайсковай службы ў сувязі з хваробай. Гэта адбылося яшчэ ў сакавіку, аднак стала вядома толькі цяпер.
Першы камандзір спецыяльнага атрада хуткага рэагавання ўнутраных войскаў МУС палкоўнік Дзмітрый Паўлічэнка пайшоў у адстаўку.
Пра гэта БелаПАН паведамілі ў прэс-службе ўнутраных войскаў. Паўлічэнка звольнены з вайсковай службы ў сувязі з хваробай. Гэта адбылося яшчэ ў сакавіку, аднак стала вядома толькі цяпер.
Апошняя пасада, якую займаў Паўлічэнка, — намеснік камандзіра корпуса аховы грамадскага парадку ўнутраных войскаў МУС па баявой падрыхтоўцы. На яе ён быў прызначаны ў лістападзе 2008 года. Перад гэтым камандаваў брыгадай спецыяльнага прызначэння ўнутраных войскаў МУС (в/ч 3214, Уручча, Мінск). У канцы лістапада мінулага года Паўлічэнка быў шпіталізаваны. Пры гэтым 19 студзеня на Вадохрышча ён пакупаўся ў палонцы разам з былымі саслужыўцамі.
А 28 мая прысутнічаў на цырымоніі ўручэння крапавых берэтаў.
Дзмітрый Паўлічэнка ўключаны ў спіс беларускіх чыноўнікаў, якім забаронены ўезд у краіны Еўрасаюза і ЗША.
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2
Каментары