Свет

«Галоўнае — людзі здабылі свабоду». Міхаіл Гарбачоў адзначае 90-годдзе

Апошні генеральны сакратар ЦК КПСС, першы і апошні прэзідэнт Савецкага Саюза, лаўрэат Нобелеўскай прэміі міру Міхаіл Гарбачоў у аўторак адзначае 90-ы дзень нараджэння.

 Міхаіл Гарбачоў. flickr.com

Гарбачоў займаў вышэйшую дзяржаўную пасаду ў СССР шэсць гадоў, за гэты час ён увайшоў у гісторыю як чалавек, які змяніў краіну і свет. Ён абвясціў новы курс амаль адразу пасля свайго прызначэння генсекам КПСС у 1985 годзе, затым узначаліў Вярхоўны Савет СССР, прапанаваў заснаваць пасаду прэзідэнта і адмяніць артыкул Канстытуцыі аб кіруючай ролі партыі.

У многія мовы свету ў той момант ўвайшлі словы «перабудова» і «галоснасць».

Сёння Гарбачоў па-ранейшаму ўпэўнены ў правільнасці прынятых ім прынцыповых рашэнняў. «У палітыцы, вядома, многае сёння бачыцца ясней, былі прамашкі. Мяне, я ведаю, крытыкуюць за даверлівасць. Але калі б я не давяраў людзям, народу, то перабудова наогул не пачалася б. Лаюць мяне і за галоснасць. Але без галоснасці нічога ў краіне не змянілася б», — адзначыў ён у інтэрв'ю ТАСС напярэдадні юбілею.

У выніку пачатых Гарбачовым пераўтварэнняў Беларусь, як і іншыя рэспублікі СССР, атрымала незалежнасць.

Пачынаючы перабудову, Гарбачоў хацеў захаваць Савецкі Саюз, ён да гэтага часу перакананы, што краіна магла б змяніцца і працягнуць сваё развіццё.

«Перабудова была неабходная і мы вялі яе ў правільным кірунку. Галоўнае, чаго мы дасягнулі ўнутры краіны, — людзі здабылі свабоду, пакончылі з таталітарнай сістэмай», — лічыць ён.

Гарбачоў склаў паўнамоцтвы прэзідэнта СССР 25 снежня 1991 года, тады ж Савецкі Саюз спыніў сваё існаванне.

У міжнародных адносінах Гарбачоў абвясціў «новае мысленне», вынікам чаго стала аднаўленне савецка-амерыканскага дыялогу па ядзерным раззбраенні, заканчэнне халоднай вайны і падпісанне ў 1985 годзе дамовы аб РСМД, вывад савецкіх войскаў з Афганістана, падзенне Берлінскай сцяны і ўз'яднанне Германіі.

Гарбачоў падкрэслівае, што палітыкам неабходна ўмець дамаўляцца. «Я ўспамінаю сярэдзіну 80-х гадоў. Тады і ў нас, і за акіянам многія казалі, што ў адносінах з ЗША нічога не атрымаецца. Але мы аднавілі дыялог, сустрэліся на вышэйшым узроўні — пасля шасцігадовага перапынку — і прынялі сумесную заяву», — сказаў ён раней у інтэрв'ю ТАСС.

У 1990 годзе Гарбачова ганаравалі Нобелеўскай прэміяй міру.

Пасля добраахвотнага сыходу з вышэйшай пасады Гарбачоў застаецца паўнапраўным членам нефармальнага клуба сусветных лідараў, падтрымлівае адносіны з прэзідэнтамі, кіраўнікамі ўрадаў, вышэйшымі чыноўнікамі.

Ён з'яўляецца ганаровым доктарам больш як 30 універсітэтаў свету, удзельнічае ў дзейнасці шматлікіх міжнародных арганізацый, выступае з лекцыямі, піша кнігі і актыўна займаецца дабрачыннасцю.

Каментары

Цяпер чытаюць

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам

Усе навіны →
Усе навіны

«Вось убачыце. Праз некалькі тыдняў ці дзён». Намёкі Лукашэнкі пра нейкія крокі выразалі з тэкставай версіі яго прамовы14

«Ні ў якім разе я не рабіў заявы». Келаг зняпраўдзіў словы Лукашэнкі11

Купіў будынак пад рэстаран за 262 тысячы рублёў. Цяпер участак хочуць забраць, каб пабудаваць там… рэстаран5

«Тым, хто настальгуе па саўку, спадабаецца». Блогер пераначаваў у найгоршых гатэлях Беларусі і падзяліўся ўражаннямі11

Пракоп'еў: Знізьце ўзровень чаканняў. Я не бачу ніводнай аб'ектыўнай прычыны, каб наступала адліга14

Расіяніна затрымалі з 37 кілаграмамі наркотыкаў у Мінску2

Куды беларусы могуць лятаць без візы і без перасадак?3

«Хтосьці ў кіраўніцтве сілавікоў вырашыў вывесці Бялюціна са «справы Аўтуховіча» і выкарыстаць іначай»3

Зяленскі падтрымаў Азербайджан у канфлікце з Расіяй2

больш чытаных навін
больш лайканых навін

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам

Галоўнае
Усе навіны →

Заўвага:

 

 

 

 

Закрыць Паведаміць