Пераможца нацадбору на «Еўрабачанне» ад Украіны адмовілася ад паездкі на конкурс
Пра гэта Аліна Паш паведаміла на сваёй старонцы ў Інстаграме. Прычына — скандал вакол яе паездкі ў Крым у 2015 годзе.
«Я не хачу гэтай віртуальнай вайны і хейту. Галоўная вайна цяпер — гэта знешняя, якая прыйшла ў маю краіну ў 2014 годзе. Я не хачу далей быць у гэтай бруднай гісторыі. З цяжкім сэрцам я здымаю сваю кандыдатуру ў якасці прадстаўніка Украіны на конкурсе «Еўрабачанне». На жаль, мне сапраўды вельмі шкада», — напісала яна.
Скандал з вынікамі ўкраінскага адбору на «Еўрабачанне» разразіўся пасля перамогі Аліны ў нацыянальным адборы.
Аліна Паш наведвала акупаваны Крым у 2015 годзе. Дзяўчыну абвінавацілі ў тым, што яна ўязджала туды праз Расію, што з’яўляецца парушэннем законаў. У сувязі з гэтым Паш прадаставіла даведку, нібыта ад Памежнай службы Украіны, аб законным перасячэнні мяжы.
Але пазней ведамства заявіла, што не выдавала пераможцы нацадбору такі дакумент. Разбіральніцтва працягваецца.
Нагадаем, што ў фінале ўкраінскага адбору выступаў і беларускі спявак Майкл Соўл.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары