Дэмакратычныя сілы расказалі, што за дэкларацыю збіраюцца накіраваць украінскім уладам
Дэмакратычныя сілы збіраюцца накіраваць украінскім уладам дэкларацыю аб прынцыпах узаемадзеяння паміж беларускім і украінскім народамі.
З такой прапановай выступіў кіраўнік НАУ Павел Латушка.
У дакуменце ад імя беларускага народа і пераходнага кабінета збіраюцца заявіць, што лічаць агрэсію супраць Украіны міжнародным злачынствам з боку рэжымаў Беларусі і Расіі, выказаць салідарнасць з барацьбой Украіны і гатоўнасць выкарыстоўваць усе механізмы для аднаўлення міру.
Таксама прапішуць, што Беларусь і Украіна з’яўляюцца дружалюбнымі і братэрскімі краінамі, якія не маюць гістарычных прыкладаў ваенных канфліктаў паміж сабой.
У дэкларацыі адзначаць, што Лукашэнка зрабіў краіну саўдзельніцай агрэсіі, тым самым былі груба парушаныя нормы нацыянальнага заканадаўства і міжнародна-прававыя абавязацельствы (у прыватнасці палажэнні дамовы аб сяброўстве паміж Беларуссю і Украінай ад 1995 года).
Святлана Ціханоўская падтрымала прапанову.
«У мяне прамога кантакту з Уладзімірам Зяленскім цяпер няма. Мы камунікуем з набліжанымі да яго людзьмі. І думаю, дэкларацыю, якую мы адправім, украінцы пачуюць», — сказала яна.
Цяпер чытаюць
Лукашэнка патлумачыў, чаму яго не відаць па серадах і суботах16
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары