Літва рыхтуецца прыняць тысячы грамадзян Беларусі і Расіі, што ўцякаюць ад сваіх рэжымаў
Пакуль ва Украіне працягваецца вайна, Літва рыхтуецца да прыняцця тысяч грамадзян Беларусі і Расіі, якія не ўхваляюць дзеянні сваіх уладаў і пакідаюць радзіму. Больш за ўсё сярод іх спецыялістаў, якія працуюць у сферы ІТ, сказала міністр эканомікі і інавацый Аўшрыне Арманайце, піша delfi.lt.
«Асноўная навіна — у Літве расце грамада прафесіяналаў, якія прыязджаюць з Расіі і Беларусі. Гэтыя людзі не ўхваляюць свае рэжымы, і мы хочам сказаць, што яны могуць адчуваць сябе тут у бяспецы», — сказала Арманайце.
Міністарка падкрэсліла таксама, што жыхары Літвы не павінны турбавацца ў сувязі з гэтай міграцыяй.
«Людзі, якія прыязджаюць сюды, правераныя адказнымі ведамствамі», — сказала яна.
Некаторым з іх, па словах Арманайце, не ўдаецца адкрыць рахункі ў літоўскіх банках.
«Сітуацыя адчувальная, таму я не хачу пералічваць назвы канкрэтных кампаній, але мы можам казаць пра тысячы прафесіяналаў, якія едуць у Літву і знаходзяцца на шляху сюды», — сказала яна.
Цяпер чытаюць
Шрайбман з калегамі прапанавалі пакрокавы план дээскалацыі адносін Беларусі і ЕС33
Каментары