У будаўніцтва Зэльвенскай вугальнай электрастанцыі ў Беларусі неабходна інвеставаць $1,3‑1,5 млрд. Аб гэтым паведаміў журналістам міністр энергетыкі Аляксандр Азярэц, каменціруючы вынікі праведзеных 1‑2 верасня ў Гданьску перагавораў з польскімі кампаніямі аб супрацоўніцтве ў галіне энергетыкі, перадае карэспандэнт БЕЛТА.
Зацікаўленасць у рэалізацыі ў Беларусі праекта будаўніцтва вугальнай станцыі выказала буйная польская кампанія «Кульчык холдынг». Польскае АТ «Электрабудова» гатова інвесціраваць у арганізацыю вытворчасці аўтаматычных сістэм кіравання для ДВА «Белэнерга». Прадукцыя гэтага прадпрыемства і тэхналагічныя рашэнні, якія ўкараняюцца на ім, могуць быць выкарыстаны пры мадэрнізацыі дзеючых і будаўніцтве новых генерыруючых магутнасцей у Беларусі, напрыклад, Зэльвенскай вугальнай электрастанцыі і будучай беларускай АЭС.
Гаворачы аб рабоце па прыцягненню інвестыцый з боку польскіх кампаній у Беларусь, Аляксандр Азярэц адзначыў, што такія інвестыцыі разглядаюцца з пункту погляду іх эфектыўнасці для бізнесу ў нашай краіне. «Калі будуем станцыю ў Зэльве з паліўным складальнікам з Польшчы, адначасова мы павінны разглядаць пытанне экспарту электраэнергіі, каб тут у нас атрымалася эканоміка. Гэта значыць вугаль, які мы закупляем, павінен поўнасцю акупляцца продажам электраэнергіі», — растлумачыў ён.
«Мы склалі пратакол. Цяпер будзем удакладняць разлікі па будаўніцтве станцыі. Паглядзім долі кожнага боку ў гэтым праекце», — адзначыў міністр.
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы6
Каментары