Юрыста абвінавачвалі ў тым, нібыта ён падрабіў ордар на ўдзел у крымінальным працэсе, хоць ведаў, што быў выключаны з Мінскай гарадской калегіі адвакатаў.
Заяву на Мачалава напісала суддзя Анжэла Касцюкевіч, якая судзіла падабаронную адваката Юлію Сінялёву. У ёй гаварылася, што юрыст прыйшоў у суд з несапраўднымі дакументамі. Але як казаў Мачалаў, ён толькі падчас працэсу даведаўся, што пазбаўлены ліцэнзіі.
Пракурор запрасіў для Мачалава два гады абмежавання волі з накіраваннем у папраўчую ўстанову адкрытага тыпу («хіміі»). Такі прысуд вынесла суддзя Таццяна Шоцік, піша «Вясна».
Адвакат Мачалава Віталь Брагінец з 25 мая знаходзіцца пад арыштам, таму на ніводны працэс свайго падабароннага ён не патрапіў.
Чытайце таксама:
Пачаўся суд над экс-адвакатам Андрэем Мачалавым. Яго адвакат адбывае 15-сутачны арышт
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?13
Каментары