НАТА і Еўрасаюз хочуць зрабіць больш жорсткім кантроль за перадачай Украіне зброі
Паколькі НАТА і Еўрасаюз баяцца, каб зброя, якую яны перадаюць Украіне, не патрапіла на чорны рынак, то збіраюцца ўзмацніць над гэтым працэсам кантроль, піша Financial Times.
Паведамляецца, што шэраг дзяржаў прапануюць Украіне стварыць сістэму адсочвання, або дэталізаванага пераліку пастаўляных узбраенняў. Тое, што частка ўзбраенняў з Польшчы цяпер дастаўляецца транспартам, які потым немагчыма адсачыць, выклікае асцярогі.
«Уся гэтая зброя паступае ў паўднёвую частку Польшчы, дастаўляецца да мяжы і затым падзяляецца для яе перасячэння па транспартных сродках: грузавікі, фургоны, часам прыватныя аўтамабілі, — заявіў выданню чыноўнік адной з заходніх краін. — І пасля гэтага мы нічога не ведаем пра іх месцазнаходжанне, паняцця не маем, куды яны накіроўваюцца, дзе яны выкарыстоўваюцца і нават ці застаюцца яны ў краіне».
У той жа час у Дзяржаўным дэпартаменце ЗША ўпэўненыя, што Украіна не дапусціць трапляння амерыканскай зброі ў чужыя рукі.
Каментары