Стала вядома, што зняволенаму журналісту і актывісту Саюза палякаў Анджэю Пачобуту выставілі новае крымінальнае абвінавачанне, паведамляе БАЖ.
У дадатак да ранейшага «Распальвання варожасці» (арт. 130 КК) Пачобуту выставілі абвінавачанне і ў «закліках да мер абмежавальнага характару (санкцый), накіраваных на прычыненне шкоды нацыянальнай бяспецы» (арт. 361 КК). Пра гэта стала вядома Беларускай асацыяцыі журналістаў.
Анджэй Пачобут за кратамі па так званай «польскай справе» з сакавіка 2021 года. Неўзабаве справа будзе перададзеная ў суд.
Андрэй Пачобут — гродзенскі журналіст і сябра «Саюза палякаў» у Беларусі.
У абвінавачанні супраць журналіста гаворыцца, што Пачобут у медыя назваў агрэсіяй напад СССР на Польшчу ў 1939 годзе. Акрамя гэтага, яму інкрымінавалі заявы ў абарону польскай меншасці ў Беларусі, артыкулы пра беларускія пратэсты ў 2020-м і тэкст, напісаны ў 2006 годзе і прысвечаны Анатолю Радзівоніку, аднаму з камандзіраў польскага антыкамуністычнага падполля на Гродзеншчыне.
Таксама вядома, што восенню 2021 года Пачобут адмовіўся пісаць прашэнне аб памілаванні на імя Лукашэнкі.
Літва зноў зачыніла мяжу з Беларуссю — ізноў шары з кантрабандай9
Каментары