Ваўкі загрызлі любімага поні кіраўніцы Еўракамісіі Урсулы фон дэр Ляен
Ваўкі загрызлі любімага поні кіраўніцы Еўракамісіі Урсулы фон дэр Ляен у чацвер вечарам, разарваўшы яго на пашы ў Бургдорф-Байнхорне ў нямецкай зямлі Ніжняя Саксонія, усяго за сто метраў ад дома сям'і, паведамляе Bild.
Труп жывёліны быў знойдзены ў пятніцу раніцай мужам еўрапейскай чыноўніцы Хайка фон дэр Ляенам. Яшчэ адзін поні, які пасвіўся на пашы, застаўся цэлым.
Урсула фон дэр Ляен, апантаная вершніца, заявіла, што «ўся сям'я жудасна засмучаная гэтай навіной».
Кіраўніца Еўракамісіі жыве ва ўласным асабняку ў Бургдорф-Байнхорне з 2007 года са сваім мужам Хайка і сям'ю дзяцьмі.
Гэта не першы інцыдэнт з ваўкамі ў гэтым раёне. Усяго дзесяць дзён таму тры поні былі зарэзаныя ваўкамі прыкладна за шэсць кіламетраў ад Бургдорфа.
Цяпер у Ніжняй Саксоніі налічваецца 39 ваўчыных зграй з прыкладна 350 жывёламі.
-
Археолагі знайшлі доказы таго, што найстаражытнейшыя продкі чалавека — якія жылі 2,5 млн гадоў таму — ужо ўмелі навучаць і перадаваць веды
-
Трамп заявіў, што ЗША не будуць удзельнічаць у саміце G20 у ПАР
-
ЗША не будуць блакаваць пастаўкі расійскай нафты і газу ў Венгрыю, заявіў Орбан пасля сустрэчы з Трампам
Каментары