Мова11

На польскім Падляшшы з’явіліся турыстычныя буклеты па-беларуску

У Падляскім ваяводстве Польшчы з’явіліся турыстычныя буклеты на беларускай мове, выдадзеныя Маршалкоўскай управай. Ініцыятарам выдання стаў радны сейміка ваяводства Славамір Назарук, піша MOST.

Фота Ігара Палынскага

Тры каляровыя буклеты — «Падляскае няспешна», «Падляскае ў культурным тыглі», «Падляскае на ўік-энд» — расказваюць пра адметнасці Падляскага ваяводства: культурныя, турыстычныя, прыродныя.

— Ёсць тут мясцовыя беларусы, ёсць тыя, хто прыехаў з Беларусі. Прыйшлі да высновы, што трэба па-беларуску распавядаць пра турыстычныя атракцыі Падляшша, Беласточчыны. Выступіў з ініцыятывай, і атрымалася, — расказаў радны cейміка Падляшскага ваяводства Славамір Назарук.

Падобныя ўлёткі раней існавалі на іншых мовах, у тым ліку па-польску і па-руску. Пераклад на беларускую мову выканала беларуская пісьменніца з Падляшша Міра Лукша.

«Гэта не такая і вялікая справа», — запэўнівае Славамір Назарук. Але адметная асабіста для яго як для чалавека, які лічыць сябе беларусам.

— Гэта спосаб выйсці да беларускага асяродка. Вядома, раней на Падляшша прыязджала больш турыстаў з Беларусі. Зараз сітуацыя іншая, але ёсць шмат беларусаў, якія тут жывуць і працуюць. Ну і ёсць надзея, што гэта паслужыць лепшаму пазнанню рэгіёна: чалавек працуе, але трэба калісьці і адпачыць, пазнаёміцца з гісторыяй і культурай мясцовасці, дзе знаходзіцца. Таму і з’явілася ідэя.

Фота Ігара Палынскага

Славамір Назарук адзначыў, што ў будучыні, у залежнасці ад сітуацыі і магчымасцяў, будуць імкнуцца працягваць знаёміць беларусаў з Падляшшам на нацыянальнай мове.

Каментары1

  • Алеся
    12.09.2022
    У новай Беларуси краявиды яшчэ лепш угледзице. Неузабаве упэуницесь!

Цяпер чытаюць

Рыбакоў: Беларусь і ЗША рыхтуюць новыя крокі9

Рыбакоў: Беларусь і ЗША рыхтуюць новыя крокі

Усе навіны →
Усе навіны

Трамп назваў Мядзведзева «былым прэзідэнтам-няўдачнікам» і параіў сачыць за словамі7

У Беларусі смяротнасць амаль удвая перавысіла нараджальнасць5

«Трэба раздзяліць адукацыю і беларусізацыю». Нечаканая прапанова гісторыка Цімоха Акудовіча29

Мінчук купіў на аўкцыёне кватэру з пенсіянеркай, якая два гады наадрэз адмаўляецца высяляцца11

Кветкі, мурал і тысячы прыхільнікаў. Як прайшло развітанне з Озі Осбарнам у яго родным Бірмінгеме

Бармена з Гродна пасадзілі за «распальванне варожасці». Справа ў каментарах у тэлеграме — хоць ён іх і выдаліў8

Мінчук папрасіў барысту абмяняць 250 рублёў — і пайшоў з прыбыткам. Фокус трапіў на відэа2

Беларускім іпэшнікам упершыню за апошнія гады думаюць палегчыць умовы працы. Што плануюць змяніць3

Лідар расійскага гурта «Рукі вверх!» адкрывае ў Магілёве бар, дзе ўсё будзе прадавацца за жукойны1

больш чытаных навін
больш лайканых навін

Рыбакоў: Беларусь і ЗША рыхтуюць новыя крокі9

Рыбакоў: Беларусь і ЗША рыхтуюць новыя крокі

Галоўнае
Усе навіны →

Заўвага:

 

 

 

 

Закрыць Паведаміць