Дзяржкантроль выпісаў 12 мільёнаў даляраў штрафу «Лідскаму піву»
Камітэт дзяржкантролю Беларусі правёў праверку ААТ «Лідскае піва» і аштрафаваў кампанію па яе выніках на 35,8 млн рублёў (€12 млн еўра па курсе Нацбанка на 20 лютага). Кампанія са штрафам не пагадзілася і звярнулася з пярэчаннем у раённы суд, паведамляе вытворца.
У ААТ «Лідскае піва» чакаюць, што судовае разбіральніцтва будзе доўжыцца некалькі месяцаў.
З-за нявызначанай сітуацыі матчына кампанія «Лідскага піва» фінская Olvi адмяняе фінансавы прагноз, апублікаваны 10 лютага, і не будзе публікаваць новы, дадалі ў кампаніі.
Папярэдні прагноз абвяшчаў: «Чакаецца, што адкарэктаваны аперацыйны прыбытак Olvi Group за 2023 фінансавы год знізіцца ў параўнанні з мінулым годам. Бізнэс-аперацыі ў Беларусі спалучаныя з нявызначанасцю, звязанай з вайной ва Украіне і, у прыватнасці, з уплывам абменных курсаў, таму чакаецца зніжэнне аперацыйнага прыбытку сегмента. Мяркуецца, што аб'ём продажу і аб'ём выручкі будуць расці».
Стала вядома, дзе працуе фаварытка Лукашэнкі Уладлена Зайцава19
Каментары