Супрацоўнікі мінскай службы МНС мусілі выязджаць ратаваць дзвюх малых дзяўчынак, якія ўгразлі па пояс у мяккім грунце і самі не маглі з яго вылезці. Падрабязнасці здарэння расказалі ў прэс-службе МНС.
У аўторак, 21 сакавіка, каля 15.04 відавочца патэлефанаваў на нумар 112. Ён сказаў, што дзеці загразлі па вуліцы Прушынскіх. На месца здарэння аператыўна прыехалі ратавальнікі.
Высветлілася, што дзве дзяўчынкі 2013 і 2014 гадоў нараджэння гулялі і па неасцярожнасці ўгразлі ў мяккім грунце па пояс. Да моманту прыезду супрацоўнікаў МНС дзяўчынак утрымлівала сямейная пара, якая іх і знайшла.
Ратавальнікі і відавочцы з дапамогай ратавальнага абсталявання дасталі дзяцей з гразевай пасткі. Іх перадалі лекарам хуткай дапамогі, якая прыехала на месца. Пасля агляду медыкамі дзеці былі дастаўленыя ў бальніцу з гіпатэрміяй (пераахаладжэннем).
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары