Зніклая ў Ізраілі нямецкая дзяўчына Шані Лук знаходзіцца ў цяжкім стане ў бальніцы ў сектары Газа
Шані прыехала на фестываль Nature Party, які ладзіўся паблізу сектара Газа і быў разгромлены палесцінскімі баевікамі раніцай у суботу. На месцы правядзення знайшлі 260 цел.
Зніклая ў Ізраілі нямецкая дзяўчына Шані Лук, кадры з якой абляцелі свет, знаходзіцца ў цяжкім стане ў бальніцы ў сектары Газа, ёй патрэбна эвакуацыя, паведаміла ў сацсетках маці дзяўчыны, піша партал newsru.co.il.
Шані Лук прыехала на фестываль Nature Party ў Ізраілі, які быў разгромлены палесцінскімі баевікамі раніцай у суботу. На полі знайшлі каля 260 цел, многія ўдзельнікі фестывалю былі захопленыя ў палон.
Шані трапіла на відэа, якое распаўсюджвалася ў сацсетках, дзяўчына ляжала ў грузавіку распранутая і моцна збітая.
Маці Шані тры дні таму запісала зварот. Жанчына трымала фатаграфію дачкі на мабільным тэлефоне і гаварыла: «Сёння раніцай маю дачку выкралі разам з групай турыстаў на поўдні Ізраіля. Нам даслалі відэа, на якім я дакладна пазнала нашу дачку. Без прытомнасці, у машыне з палесцінцамі, калі яны заязджалі ў сектар Газа. Прашу любой дапамогі, любой інфармацыі».
Цётка, дзядзька і дзядуля Шані Лук таксама выказалі спадзеў, што дзяўчына яшчэ жывая і будзе вызвалена. Да справы падключылася нават пасольства Нямеччыны.
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары