Сейм Латвіі выключыў згадку пра беларусаў з праекта закона аб дарожным руху
Профільная камісія па народнай гаспадарцы Сейма Латвіі вырашыла выключыць з «чорнага спісу» аўто з беларускімі нумарамі, якія не могуць знаходзіцца на тэрыторыі краіны звыш пэўнага часавага ліміту. Пра гэта паведаміў дарадца Святланы Ціханоўскай па канстытуцыйнай рэформе і міжпарламенцкім супрацоўніцтве Анатоль Лябедзька.
Фота: t.me/parlamentbel
«Падчас нашай нядаўняй сустрэчы ў Сейме Латвіі мы знайшлі патрэбныя словы і аргументы, якія пераканалі дэпутатаў выключыць згадку грамадзян Беларусі з праекта закона аб дарожным руху. На пасяджэнні камісіі гэтая папраўка атрымала падтрымку, і мы можам гэтае пытанне выключыць са спісу праблем беларусаў у Латвіі», — напісаў Анатоль Лябедзька ў тэлеграме.
Цяпер чытаюць
Трамп згадаў 1300 беларускіх палітвязняў. Адкуль такая лічба і колькі іх насамрэч?3
Каментары