Хуткі суп з фасоляй і гароднінай — гарачы абед у зябкае надвор’е. Рэцэпт
Што можа быць лепшым за талерку гарачага супу пасля працяглага шпацыру ў зябкае надвор’е? Гэты суп з белай фасолі адназначна варта пакаштаваць. Рэцэпт вельмі просты, без аніякіх складаных крокаў. Можна выкарыстоўваць кансерваваную фасолю, каб зрабіць страву хутчэй.
Фота: Bill Boch / Getty Images
Складнікі:
- 1 сталовая лыжка алею
- 1 вялікая цыбуліна, нарэзаная
- 2 здробненыя зубкі часнаку
- 2—3 буйна нарэзаныя морквы
- 2—3 сцяблы сельдэрэю, нарэзаныя
- 6 шклянак агародніннага булёну
- 1 чайная лыжка сушанага чабару
- ½ чайнай лыжкі арэгана
- 1 чайная лыжка солі
- ½ чайнай лыжкі чорнага перцу
- 3 бляшанкі кансерваванай белай фасолі па 420 г, асушанай і прамытай
- 2 кубкі маладога шпінату
- дробна нарэзаная свежая пятрушка для падачы
- цёрты сыр пармезан на жаданне, для падачы
Як гатаваць:
- У вялікай каструлі нагрэйце алей на сярэднім агні. Дадайце цыбулю і гатуйце, пакуль яна не стане празрыстай, каля 3—5 хвілін. Дадайце часнок, моркву, сельдэрэй, чабор, арэгана, соль і перац і гатуйце яшчэ 2—3 хвіліны.
- Дадайце агароднінны булён і фасолю, давядзіце да кіпення, зменшыце агонь і варыце 15 хвілін, каб усе смакі злучыліся.
- Дадайце шпінат і працягвайце варыць, пакуль ён не завяне, каля дзвюх хвілін.
- Зніміце з агню, пасыпце свежай пятрушкай і цёртым пармезанам, калі хочаце, і адразу падавайце.
Больш рэцэптаў:
З чаго вараць і як называюць традыцыйныя беларускія супы
Рэцэпт на выхадныя. Курыца парма — класіка, пра якую вы яшчэ не ведалі
Цяпер чытаюць
Новым спікерам Каардынацыйнай рады, хутчэй за ўсё, стане Арцём Брухан3
Каментары