Біятланістка Дар’я Домрачава выступіць у Каляднай гонцы зорак у Нямеччыне
Сёння (панядзелак) у нямецкім Гельзенкірхене адбудзецца традыцыйнае біятлоннае шоу «Калядная гонка зорак». У ёй возьме ўдзел і беларуская біятланістка Дар’я Домрачава.
Арганізатары размеркавалі ўсіх удзельнікаў на 10 мяшаных пар, прычым Дар’і Домрачавай давядзецца выступіць у дуэце з аўстрыйскім біятланістам Дамінікам Ландэртынгерам.
Астатнія міні‑каманды склалі: Міхаэль Грайс — Сімонэ Хаўсвальд (Нямеччына), Аксана Хвастэнка — Андрэй Дзярызямля (Украіна), Каці Вільгельм (Германія) — Крыстаф Зуман (Аўстрыя), Магдалена Гвіздон — Томаш Сікора (Польшча), Вольга Зайцава — Максім Чудаў (Расія), Ева Тофалві (Румынія) — Даніэль Граф (Нямеччына), Мары Лаур Бруне — Вэнсан Дэфран (Францыя), Лэні Барнс — Джэй Хакінен (ЗША), Сольвейг Рогстад — Тар’е Боэ (Нарвегія).
Спаборніцтвы пройдуць у два этапы: мас‑старт і гонка пераследу, якія падзеліць 45‑хвілінны перапынак.
Гонкі праводзяцца ў фармаце мяшанай эстафеты, калі спартсмены пасля кожнага круга змяняюць адзін аднаго. Абодвум удзельнікам камандаў трэба прабегчы па дзевяць колаў (даўжыня кожнага — 1,2 км) і па восем раз наведаць агнявы рубеж (8 патронаў, спудлаванне — стометровае штрафное кола).
Свята біятлону пройдзе на футбольным стадыёне клуба нямецкай бундэслігі «Шальке‑04», трыбуны якога змяшчаюць амаль 62 тыс. гледачоў.
Жывая трансляцыя на тэлеканале «Еўраспорт» а 19‑й.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары