Эканоміка88

Міністэрства працы пашырыла спіс прафесій, па якіх у Беларусі змогуць працаваць іншаземцы

Міністэрства працы і сацыяльнай абароны Беларусі пашырыла спіс прафесій, па якіх налета змогуць працаваць у Беларусі іншаземцы. Адпаведная пастанова набывае моц 1 студзеня 2024 года, паведамляе прэс-служба ведамства.

Фота ілюстрацыйнае

Новы спіс уключае ў сябе 20 прафесій рабочых і 15 пасад службоўцаў, на якія замежныя грамадзяне або асобы без грамадзянства ў 2024 годзе змогуць уладкавацца ў Беларусі ў спрошчаным парадку — толькі паведаміўшы органам унутраных спраў.

Атрымліваць спецыяльны дазвол ім не спатрэбіцца. У папярэднім спісе такіх прафесій было толькі 5.

Цяпер у гэты пералік уключылі наступныя прафесіі:

  • медыцынскія работнікі (доктар-спецыяліст, памочнік доктара па амбулаторна-паліклінічнай дапамозе, акушэрка, медсястра, санітар(ка),

  • сельскагаспадарчыя прафесіі (аграном, трактарыст-машыніст сельскагаспадарчай вытворчасці, аператар машыннага даення, ветэрынарны доктар, ветэрынарны фельчар, заатэхнік, жывёлавод),

  • інжынер, інжынер-канструктар, інжынер-праграміст, інжынер-тэхнолаг, інжынер-энергетык, інжынер-механік,

  • будаўнічыя прафесіі (бетоншчык, муляр, маляр, цясляр, токар, тынкоўшчык, фрэзероўшчык, электрагазазваршчык, электраманцёр па рамонце і абслугоўванні электраабсталявання, рабочы па комплексным абслугоўванні і рамонце будынкаў і збудаванняў),

  • а таксама: швачка, кухар, кіроўца аўтамабіля, слесар па рамонце аўтамабіляў, слесар механазборачных работ, слесар-рамонтнік.

Пры гэтым да іх не будуць прымяняць абмежаванні па абароне нацыянальнага рынку працы.

Варта адзначыць, што шмат беларусаў з такімі прафесіямі апошнімі гадамі масава скіраваліся на працу, а то і на пастаяннае жыхарства за мяжу, прытым нярэдка падставай для гэтага сталі палітычныя рэпрэсіі ці пагроза іх.

Летам 2023 года сярод дэфіцытных спецыяльнасцяў у Мінску лідзіравалі дактары і медсёстры. Больш за ўсё ў нас не хапае анестэзіёлагаў, рэаніматолагаў і дыягностаў.

Каментары8

  • Так вось яно што!
    27.12.2023
    А я думаю, что гэта за чарга такая на межах?! А гэта людзі з "Загніваюшчай" ламануліся працауладкоўвацца да "крэпкіх хазайственнікаў"
  • орало
    27.12.2023
    а ў мянты-чыноўнікі-ідэолагі і т.п. толькі свае?
  • Не хвалюйцеся
    27.12.2023
    Ёсік, З'язджалі і будуць з'язджаць. І ўсё, што вы тут пералічваеце рабілі тыя ж людзі, якія вырваўшыся з БССР, стваралі сваім розумам інтэлектуальны прадукт іншых дзяржаў.

    НН хваліць аперацыйнага мэнэджара Тапузідзіса Пятровіча. Але што ён стварыў? Карону з буцікамі? Прыватны інстытут Пятровіч не стварыў.

    Вось таму былы супрацоўнік Інстытута Фізікі і працуе ў Інстытуце Райса. У Тэхасе быў Райс, на грошы каторага быў пабудаваны Інстытут, у якім на сёняшні дзень ёсць дэпартмент нанафатонікі.

    А з лукашэнкайскіх кантрабандыстаў цыгарэтамі хто пабудаваў Інстытут? Ну хоць які-небудзь?

    Людзі з вышэйшай адукацыяй, якія не змаглі з'ехаць, ператвараюцца міліцэйскімі намаганьнямі ў чорт ведае што, альбо проста паміраюць ад незапатрабаванасьці.

    А на месца выпертых з Беларусі рабочых міліцэйская сволач цягне навалач з усяго сьвету, абы яна па-руску беларуса абхаміць магла.

Цяпер чытаюць

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Усе навіны →
Усе навіны

Ветэрану з Гродна 97 гадоў — у 1945-м ахоўваў мост пад Ніжнім Ноўгарадам, а пасля вайны змагаўся з «бандэраўцамі»19

Анархісту ў Расіі далі 16 гадоў за падпал ваенкамата. Ён збег у Бішкек, яго злавілі і дэпартавалі

Брусэль плануе скараціць дыпперсанал у Беларусі11

Чарговы беларускі трэнер узначаліў кіпрскі «Арыс»

Колькі шэнгенскіх віз атрымалі беларусы ў 2024 годзе і якія краіны іх часцей выдаюць?9

Адзінаццаць гадоў Лукашэнка развівае гарады-спадарожнікі. Пакуль атрымліваецца не вельмі

У ЕС узгаднілі адмену штампаў на мяжы Шэнгену1

Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»13

Беларус знайшоў на набытым участку дзіўныя рэчы на выпадак апакаліпсісу1

больш чытаных навін
больш лайканых навін

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Галоўнае
Усе навіны →

Заўвага:

 

 

 

 

Закрыць Паведаміць