Лётчык Кузьмінаў жыў у Іспаніі па пашпарце на імя 33-гадовага Ігара Шаўчэнкі
Максім Кузьмінаў, які быў застрэлены ў на падземнай паркоўцы ў муніцыпалітэце Вільяхаёса, заехаў у Іспанію пад імем 33-гадовага ўраджэнца Данецка Ігара Шаўчэнкі. У яго быў украінскі пашпарт, выдадзены 22 верасня 2023 года.
Былы расійскі лётчык Максім Кузьмінаў, які перагнаў верталёт ва Украіну, уехаў у Іспанію ў кастрычніку мінулага года з сапраўдным пашпартам і фіктыўным данымі ў ім. Па дакументах, яму было 33 гады — на пяць гадоў больш, чым яму было на самай справе. У Іспаніі выдаў сябе за ўцекача з Данецка.
Фота яго пашпарта апублікавала El Periodico.
Цяпер мясцовыя ўлады чакаюць вынікаў біяметрычнай экспертызы, якую запыталі як у Расеі, так і ва Украіне.
Па даных Mash, Кузьмінаву прысвоілі даныя загінулага ў 2014-м сепаратыста «ДНР» — Ігара Шаўчэнкі, які нарадзіўся 15 верасня 1990-га ў Данецку.
El Periodico піша, што Максім Кузьмінаў жыў у раёне Алікантэ, дзе жыве шмат украінцаў і расіян.
Цяпер чытаюць
Мінчук чатыры гады трымаў у рабстве пенсіянераў і прымушаў іх прасіць міласціну. Яны ўжо памерлі8
Каментары