Грамадства33

У Браслаўскім раёне пасля перарэгістрацыі засталося 5 аграсядзіб з 300

У Дубровенскім і Талачынскім раёнах — ніводнай.

Аграсядзіба «Стулы»

Пасля абавязковай перарэгістрацыі аграсядзіб у Браслаўскім раёне засталося 5 аграсядзіб з 300, а ў Дубровенскім і Талачынскім раёнах — ніводнай. Пра гэта заявіла Вольга Фёдарава, галоўны спецыяліст сектара турызму і фізкультурна-аздараўленчай работы ўпраўлення спорту і турызму Віцебскага аблвыканкама ў праекце БелТА, піша Reform.by.

Фёдарава адзначыла, што асноўныя прэтэнзіі да ўладальнікаў аграсядзіб заключаліся ў тым, што іх дзейнасць ператварылася ў здачу жылля ў наём.

«У Віцебскай вобласці было вельмі шмат аграэкасядзіб. Асноўная маса прыходзілася на Браслаўскі раён — там было 300 аграэкасядзіб, а пры перарэгістрацыі засталося толькі пяць. Далей мы іх не кантралюем», — заявіла чыноўніца.

Для перарэгістрацыі сядзібы наведвала спецыяльная камісія, якая фіксавала парушэнні заканадаўства.

«У кагосьці былі пытанні па гігіене, бо вызначаны шэраг новых патрабаванняў. Нават калі ў іх устаноўлена мангальная зона, то па новых патрабаваннях павінна быць абавязкова і праточная вада, а раней такая дзейнасць магла ажыццяўляцца ў доме, на хутары, і іх не правяралі», — сказала Фёдарава.

Прадстаўніца аблвыканкама не лічыць змяншэнне колькасці аграсядзіб праблемай.

«І гэта вялікі плюс, што ў нас засталіся найлепшыя з найлепшых сядзіб, якія працуюць па вузкай спецыялізацыі», — заявіла Фёдарава.

Зараз у Віцебскай вобласці зарэгістравана 162 аграэкасядзібы. Больш за ўсё іх засталося ў Глыбоцкім раёне — 32. У Дубровенскім і Талачынскім раёнах няма ніводнай сядзібы.

На пачатак 2023 года ў Беларусі налічвалася 3043 аграсядзібы. Па даных на снежань 2023 года, перарэгістрацыю прайшлі 1297. Таксама было зарэгістравана 170 новых аграсядзіб.

Каментары3

  • Бобр
    13.03.2024
    Все более менее живите проекты идут под закрытие: IT, ретейл, агротуризм.
  • Турыст
    13.03.2024
    Відаць, усе шчасліўшыкі лукашысты
  • былое
    13.03.2024
    Узбягаюць на яў бабуліны аповеды, як саветы пры арганізацыі калгасаў гнобілі адзінаасобнікаў усялякімі імавернымі ды неймавернымі падаткамі. Задача была - знішчыць самастойных, самадастатковых гаспадароў. Гэтаксама і сёння з аграсядзібамі. Бо лукашысцкія чыноўнікі спаць не могуць, калі нехта сам уладкоўвае сваё жыццё, не чакаючы іхных падачак.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Усе навіны →
Усе навіны

Эдуарда Малафеева не запрасілі на адкрыццё Нацыянальнага стадыёна6

Трамп: Украіна сама справакавала расійскія ўдары40

Харкаў трапіў пад масіраваную атаку: 40 выбухаў, пажары, ёсць загінулыя і параненыя

У Жыткавіцкім раёне жанчына заразіла ВІЧ 83-гадовага старога7

Пазняк: І рэжым Лукашэнкі, і псеўдаапазіцыя — гэта адно і тое ж143

Ярмошына: Я не пайду ў грамадскую лазню, проста таму што баюся26

Расія не зможа аднавіць страты дальняй авіяцыі пасля ўкраінскай аперацыі «Павуцінне»2

Стартап рабіў выгляд, што ён распрацаваў штучны інтэлект. Насамрэч, ён наняў 700 праграмістаў і яны стваралі прадукты ўручную3

Жыхара Клецка асудзілі за выкраданне мігрантаў і вымаганне з іх грошай

больш чытаных навін
больш лайканых навін

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Галоўнае
Усе навіны →

Заўвага:

 

 

 

 

Закрыць Паведаміць