У В'етнаме адправілі ў адстаўку прэзідэнта краіны за дыскрэдытацыю партыі
Во Ван Тхыонга наогул звольнілі з усіх пасад.
Цэнтральны камітэт Камуністычнай партыі В'етнама адправіў у адстаўку прэзідэнта краіны Во Ван Тхыонга за парушэнні партыйнай дысцыпліны, якія выклікалі негатыўную рэакцыю грамадскай думкі і паўплывалі на рэпутацыю партыі і ўлады, піша Радыё Свабода.
Як паведаміла В'етнамскае інфармацыйнае агенцтва, Во Ван Тхыонга звольнілі адразу з усіх пасад — прэзідэнта, члена Палітбюро і кіраўніка Рады нацыянальнай абароны і бяспекі.
«Цалкам усведамляючы сваю адказнасць перад партыяй, дзяржавай і народам, ён падаў заяву аб звальненні з займаных пасад», — адзначаецца ў паведамленні.
Ніякіх канкрэтных дэталяў у прычынах адстаўкі не паведамляюць.
Нацыянальны сход В'етнама абраў Во Ван Тхыонга прэзідэнтам 2 сакавіка 2023 года пасля адстаўкі ягонага папярэдніка ў выніку карупцыйнага скандалу. Во Ван Тхыонг быў самым маладым кіраўніком В'етнама. Яму 53 гады.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары