Аўтобусныя чэргі на мяжы з Літвой зніклі. Дарога ў Вільню займае 6-7 гадзін
Сайт Памежнага камітэта дае такія звесткі па стане на 12:00 суботы.
У «Каменным Логу» перад зонай чакання з раніцы чаргі з аўтобусаў няма, стаіць 160 легкавікоў.
У «Беняконях» — таксама чаргі з аўтобусаў няма. Стаіць 130 легкавікоў.
У чатах пішуць, што дарога ў Вільню на аўтобусе займае 6-7 гадзін, з Вільні ў Мінск — 6 гадзін.
У канцы мінулага тыдня і ў пачатку гэтага тыдня дарога займала 20 гадзін.
Разам з тым можа захоўвацца невялікае спазненне аўтобусаў на канцавыя пункты прыбыцця.
Так адмысловы тэлеграм-канал Мінсктранса паведамляў, што раніцай аўтобус Вільня — Мінск, часам адпраўлення з Вільні ў бок Мінска ў 8.00, выехаў з дзяржаўнай мяжы Літвы ў бок сталіцы Літвы толькі ў 8.44.
Але ўжо аўтобус Вільня — Мінск адпраўленнем з Вільні ў 14.00, выехаў з мяжы Літвы ў бок сталіцы краіны ў 12:49. То-бок спазненне выезду са сталіцы Літвы, калі і будзе, то нязначным.
Разам з тым на мяжы з Польшчай па стане на 12:00 у пункце пропуску «Брэст» стаіць 51 аўтобус і 490 легкавікоў.
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары