Гістарычны серыял «Сёгун» прызнаны найлепшай драмай. Хіраюкі Санада і Ана Саваі, якія сыгралі ў ім ключавых персанажаў, сталі першымі японскімі акцёрамі, якія атрымалі «Эмі» за галоўную ролю ў драме.
76-я цырымонія ўручэння прэміі «Эмі» адбылася ў нядзелю ў Лос-Анджэлесе. У лік яе намінантаў трапілі серыялы, тэлефільмы і тэлешоу, якія выйшлі ў эфір ці на анлайн-платформах у перыяд з 1 чэрвеня 2023 года па 31 мая 2024 года, піша Deutsche Welle.
«Сёгун», які прэтэндаваў на 25 статуэтак, атрымаў перамогу ў большасці галоўных намінацый і быў прызнаны найлепшым драматычным серыялам. Адзін з яго эпізодаў прынёс узнагароду за найлепшую рэжысуру Фрэдэрыку Туа, а Хіраюкі Санада і Ана Саваі сталі першымі акцёрамі з Японіі, якія атрымалі «Эмі» за галоўную ролю ў драме.
Пераможцам намінацыі «Найлепшы акцёр камедыйнага серыяла» быў прызнаны Джэрэмі Ален Уайт за ролю кулінарнага генія Кармэна Берзата ў серыяле «Мядзведзь».
Званне найлепшай актрысы камедыйнага серыяла атрымала Джын Смарт за ролю Дэбары Вэнс у серыяле «Хітрасці», які быў адзначаны Амерыканскай тэлевізійнай акадэміяй як найлепшы камедыйны серыял.
Найлепшым акцёрам другога плана ў камедыйным серыяле стаў Эбан Мос-Бакрак з «Мядзведзя», лепшай актрысай у той жа намінацыі — яго калега па праекце Ліза Калон-Заяс.
Найлепшым акцёрам другога плана ў драматычным серыяле прызналі Білі Крудапа («Ранішняе шоу»), а найлепшай актрысай другога плана — Элізабэт Дэбікі («Карона»).
Прэмію за рэжысуру камедыйнага серыяла атрымаў Крыстафер Сторэр, які зняў эпізод «Рыбы» ў «Мядзведзі».
За працу над драматычным серыялам той жа ўзнагароды ўдастоіўся Фрэдэрык Э.О. Той за серыю «Барвовае неба» ў «Сёгуне».
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары