Histaryčny sieryjał «Siohun» pryznany najlepšaj dramaj. Chirajuki Sanada i Ana Savai, jakija syhrali ŭ im klučavych piersanažaŭ, stali pieršymi japonskimi akciorami, jakija atrymali «Emi» za hałoŭnuju rolu ŭ dramie.
76-ja cyrymonija ŭručeńnia premii «Emi» adbyłasia ŭ niadzielu ŭ Łos-Andželesie. U lik jaje naminantaŭ trapili sieryjały, telefilmy i telešou, jakija vyjšli ŭ efir ci na anłajn-płatformach u pieryjad z 1 červienia 2023 hoda pa 31 maja 2024 hoda, piša Deutsche Welle.
«Siohun», jaki pretendavaŭ na 25 statuetak, atrymaŭ pieramohu ŭ bolšaści hałoŭnych naminacyj i byŭ pryznany najlepšym dramatyčnym sieryjałam. Adzin ź jaho epizodaŭ prynios uznaharodu za najlepšuju režysuru Frederyku Tua, a Chirajuki Sanada i Ana Savai stali pieršymi akciorami ź Japonii, jakija atrymali «Emi» za hałoŭnuju rolu ŭ dramie.
Pieramožcam naminacyi «Najlepšy akcior kamiedyjnaha sieryjała» byŭ pryznany Džeremi Alen Uajt za rolu kulinarnaha hienija Karmena Bierzata ŭ sieryjale «Miadźviedź».
Zvańnie najlepšaj aktrysy kamiedyjnaha sieryjała atrymała Džyn Smart za rolu Debary Vens u sieryjale «Chitraści», jaki byŭ adznačany Amierykanskaj televizijnaj akademijaj jak najlepšy kamiedyjny sieryjał.
Najlepšym akcioram druhoha płana ŭ kamiedyjnym sieryjale staŭ Eban Mos-Bakrak z «Miadźviedzia», lepšaj aktrysaj u toj ža naminacyi — jaho kaleha pa prajekcie Liza Kałon-Zajas.
Najlepšym akcioram druhoha płana ŭ dramatyčnym sieryjale pryznali Bili Krudapa («Ranišniaje šou»), a najlepšaj aktrysaj druhoha płana — Elizabet Debiki («Karona»).
Premiju za režysuru kamiedyjnaha sieryjała atrymaŭ Krystafier Storer, jaki źniaŭ epizod «Ryby» ŭ «Miadźviedzi».
Za pracu nad dramatyčnym sieryjałam toj ža ŭznaharody ŭdastoiŭsia Frederyk E.O. Toj za sieryju «Barvovaje nieba» ŭ «Siohunie».
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha37
Kamientary