Міністэрства замежных спраў заклікала грамадзян Беларусі адмовіцца ад наведвання дзяржаў Блізкага Усходу. Адпаведнае паведамленне было распаўсюджана ў суботу.
У МЗС адзначылі, што чарговае абвастрэнне сітуацыі ў рэгіёне небяспечнае некантраляванай эскалацыяй і выклікае сур'ёзную занепакоенасць.
«Нагадваем грамадзянам пра рэкамендацыі ад 2 кастрычніка адносна неабходнасці ўстрымацца ад паездак у краіны рэгіёну», — паведамілі ў Міністэрстве.
Таксама там падкрэслілі, што беларусам, якія жывуць або знаходзяцца цяпер у краінах, закранутых канфліктам, трэба строга выконваць патрабаванні мясцовых уладаў і прытрымлівацца правіл асабістай бяспекі.
Мінулай ноччу Ізраіль нанёс удары па вайсковых аб'ектах на тэрыторыі Ірана ў адказ на»шматмесячныя бесперапынныя атакі». Ізраільскія ўлады сцвярджаюць, што пацэлілі ў 20 аб'ектаў.
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам40
Каментары