Дакладная дата падаражання пакуль не называецца. Адпаведнае рашэнне Мінэканомікі ўзгадніла з Мінгарвыканкамам.
Дакладная дата падаражання пакуль не называецца. Адпаведнае рашэнне Мінэканомікі ўзгадніла з Мінгарвыканкамам.
Мінэканомікі прыняло пастанову №40 «Аб тарыфах на перавозку пасажыраў гарадскім транспартам агульнага карыстання». Дакумент прыняты для забеспячэння выканання параметраў, устаноўленых на 2010 год, устойлівага функцыянавання транспартных арганізацый ва ўмовах росту затрат на перавозкі, а таксама з улікам павышэння пенсій і заработнай платы работнікаў бюджэтнай сферы.
Пастановай узгодненыя тарыфы на перавозкі пасажыраў гарадскім транспартам агульнага карыстання (уключаючы аўтобусы з дазволенай максімальнай масай больш за 5 тыс. кг на звычайных і хуткасных маршрутах) з Мінгарвыканкамам у памеры не больш як Br700 за адну паездку. Таксама з аблвыканкамамі ўзгодненыя тарыфы ў памеры не больш як Br600 за адну паездку. Гранічныя максімальныя тарыфы за перавозкі пасажыраў гарадскімі аўтобусамі рэгулярных экспрэсных маршрутаў з дазволенай максімальнай масай больш за 5 тыс. кг ў Мінску вызначаны ў памеры Br1100 за адну паездку, у абласцях -- Br900 за адну паездку.
Павышэнне кошту праязных білетаў шматразовага карыстання на перавозку пасажыраў гарадскім транспартам агульнага карыстання (уключаючы аўтобусы з дазволенай максімальнай масай больш за 5 тыс. кг на звычайных і хуткасных маршрутах) у Мінску і абласцях узгоднена Міністэрствам эканомікі ў памерах, адэкватных росту тарыфаў на праезд.
У прэс-службе нагадалі, што ў адпаведнасці з разлікамі да закону Беларусі «Аб рэспубліканскім бюджэце на 2010 год» устаноўлена, што за кошт даходаў ад продажу білетнай прадукцыі ў Мінску павінна кампенсавацца 70% выдаткаў на перавозкі пасажыраў гарадскім транспартам агульнага карыстання, у абласцях рэспублікі -- 81%. Астатнія затраты на перавозкі пакрываюцца за кошт бюджэтных субсідый.
Па папярэдніх выніках фінансава-гаспадарчай дзейнасці ДП «Мінсктранс» за 2009 год, узровень кампенсацыі затрат на перавозкі гарадскім транспартам агульнага карыстання даходамі ад продажу білетнай прадукцыі ў сярэднім склаў у Менску 36,8%, у абласцях -- 70%.
Рэгуляванне тарыфаў на перавозку пасажыраў гарадскім транспартам агульнага карыстання ажыццяўляецца абл-, гарвыканкамамі па ўзгадненні з Міністэрствам эканомікі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню41
Каментары