Грамадства99

Лукашэнка запрасіў Трампа, Пуціна і Зяленскага ў Мінск

«Не трэба Зяленскага цяпер нахіляць, якім бы ён ні быў. Трэба пераканаць, дамовіцца і з Зяленскім, бо за Зяленскім стаіць большая частка ўкраінскага грамадства. Таму трэба дамаўляцца», — сказаў Лукашэнка.

Фота: Ali Cura Anadolu via Getty Images

Мінск гатовы арганізаваць перамовы Дональда Трампа, Уладзіміра Пуціна і Уладзіміра Зяленскага. Пра гэта Аляксандр Лукашэнка заявіў у інтэрв'ю амерыканскаму блогеру Марыа Наўфалу, якое было запісана ў мінулы чацвер, піша БелТА.

«Не трэба Зяленскага цяпер нахіляць, якім бы ён ні быў. Трэба пераканаць, дамовіцца і з Зяленскім, бо за Зяленскім стаіць большая частка ўкраінскага грамадства.

Таму трэба дамаўляцца. Хочаце — прыязджайце. Вось, побач — 200 кіламетраў ад беларускай мяжы да Кіева. Паўгадзіны на самалёце. Прыехалі. Вось тут сядзем. Спакойна, без шуму, без крыкаў дамовімся. Таму перадайце Трампу: я яго чакаю тут разам з Пуціным і Зяленскім. Сядзем і спакойна дамовімся. Калі вы хочаце дамовіцца», — сказаў Аляксандр Лукашэнка.

Ён лічыць, што Дональд Трамп больш самастойны прэзідэнт, чым яго папярэднік Джо Байдэн.

«Ён, нават калі няправільна, але прыме рашэнне. Байдэн сам рашэння не прымаў. Яму казалі: не трэба тэлефанаваць, — ён не тэлефанаваў. Яму сказалі: назаві Пуціна дыктатарам, — ён назваў яго дыктатарам, — адзначыў Лукашэнка.

— У яго куча дарадцаў: па ваенных пытаннях — у Пентагоне, па пытаннях знешніх адносін — Блінкен, былы дзяржсакратар, вядучая фігура, і ім падобныя. Больш за тое, там жа, у Дзярждэпе, сядзелі людзі, якія глядзелі ў рот Блінкену і казалі тое, што казаў Блінкен. Стваралася вялізная армія, якая Джо Байдэна падштурхоўвала ў пэўным кірунку».

Аляксандр Лукашэнка не выключыў, што свае інтарэсы ў часы Джо Байдэна актыўна лабіравалі і прадстаўнікі ваеннай прамысловасці.

«А Байдэн у сілу свайго характару і ў сілу свайго фізічнага становішча не мог супраціўляцца, як супраціўляецца Трамп. Вось у чым уся праблема», — лічыць Лукашэнка.

Каментары9

  • Не пройдет
    05.03.2025
    Пустой номер.
  • Ой
    05.03.2025
    Слишком много на себя берет. Может вообще с санкциями так и остаться за бортом, а политические в тюрьмах на долгие годы, потому что беларусь трампу неинтересна
  • Аляксандр
    05.03.2025
    Прайграць выбары хатняй гаспадыні і яшчэ нешта вякаць

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

У Беларусі восем немаўлят да года наведваюць дзіцячы сад1

Як глабальная змена клімату адаб’ецца на Беларусі? Не зусім так, як мы ўяўляем12

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»45

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць