Някляеў: я не Казулін і не Мілінкевіч
Гэта адбываецца, бо Лукашэнка аддаў кантроль над структурамі: ад спецслужбаў да ідэалагічных структур.
Уладзімір Някляеў адказаў на пытанні «НН» у сувязі з забаронай вечарыны «Беларускага кнігазбору».
«НН»: Ці лічыце, што забарона імпрэзы адбылася праз вашу грамадскую дзейнасць, у прыватнасці, праз распачатую кампанію «Гавары праўду»?
УН: Не магу сказаць. Мне не дакладвалі. «Кнігазбору» адміністрацыя палаца закідала тое, што прэзентацыя насамрэч будзе не 50 тамоў, а 52-х. І апошні — гэта том Някляева. Маўляў, іх хацелі падмануць. Але гэта ў прыватнай размове. А афіцыйная прычына адмовы — па тэхнічных прычынах.
«НН»: Зразумела, што забарона сыходзіла не ад кіраўніцтва палаца, а яшчэ вышэй. І вы пайшлі на адкрытую канфрантацыю з уладамі, правёўшы імпрэзу перад зачыненай залай. Ці не бераце вы на сябе ролю Казуліна, але ў культуры?
УН: Я не збіраюся браць на сябе ні ролю Казуліна, ні Мілінкевіча. Мне дастаткова ролі Някляева.
«НН»: Вы неяк сказалі, што супраць усяго нацыянальнага Лукашэнку настроіў Замяталін. Сёння гэты чалавек не мае свайго колішняга ўплыву. Але ціск на беларускамоўную культуру працягваецца. Чаму?
УН: Гэта адбываецца, бо Лукашэнка аддаў кантроль над структурамі: ад спецслужбаў да ідэалагічных структур. І лейцы падхапілі іншыя, хто тузаць імі не ўмее.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам5
Каментары