Амерыканец Антон Рос, які прыехаў з Літвы ў грузавым вагоне, мае праблемы з памяццю. Яго шукае паліцыя Цюрыха
Беларуская прапаганда паказала вечарам 3 красавіка грамадзяніна ЗША Антона Роса. Як высветлілася, хлопца з 21 сакавіка шукае маці. Антон пакутуе на страту памяці.
Апошні раз яго бачылі ў Цюрыху — ён спрабаваў вылецець у Хургаду. Аб’явы з просьбай дапамагчы ў пошуках Антона Роса, 27 гадоў, былі апублікаваныя ў розных рускамоўных групах у фэйсбуку 5 дзён таму. Хлопца шукае маці. Паведамляецца, што ён апошні раз выходзіў на сувязь з аэрапорта Цюрыха, піша Reform.news.
«Антон Рос, 27 гадоў, грамадзянін ЗША і Чэхіі, свабодна размаўляе па-англійску (без акцэнту), пакутуе на страту памяці. Ён ужо некалькі разоў за апошнія месяцы знікаў, не выходзіў на сувязь і з’яўляўся ў розных месцах. У снежні 2024 года страціў дакументы і асабістыя рэчы. Можа знаходзіцца ў стане дэзынарыентацыі, не памятаць, хто ён, і не звяртацца па дапамогу», — гаворыцца ў аб’яве.
21 сакавіка Антон шмат разоў званіў з чужых тэлефонаў, прасіў набыць білет у Хургаду. Яго маці адмовілася і тэрмінова выехала ў аэрапорт Цюрыха. Паводле інфармацыі паліцыі, Антон знаходзіўся там да 6:00 раніцы 22 сакавіка, але ўжо не быў у тэрмінале на момант прыбыцця маці а 7:40.
23 сакавіка жанчына падала афіцыйную заяву ў паліцыю Цюрыха аб вышуку. Яна меркавала, што Антон мог знаходзіцца ў любым раёне Цюрыха ці іншым горадзе Швейцарыі, а таксама звяртацца да мінакоў па дапамогу, не тлумачачыся.
Апошняе вядомае адзенне: светлая куртка, джынсы, цёмная кепка. Да аб’явы прыкладзена фота зніклага хлопца — гэта той жа чалавек, што і на відэа беларускай прапаганды.
Варта адзначыць, што беларускія прапагандысты ўжо заявілі, што грамадзянін ЗША жадае застацца ў Беларусі.
«Толькі калі б можна было як-небудзь застацца… Маці сказаць, што ўсё добра. Тут кормяць, пояць, цёпла, можна адпачыць. Ну, карацей, умовы добрыя і ўсё нармальна», — сказаў хлопец на камеру БТ.
Антона затрымалі ноччу 31 сакавіка мытнікі падчас праверкі чыгуначнага саставу. Быў распачаты адміністрацыйны працэс за незаконнае перасячэнне мяжы.
Амерыканец, які прыехаў з Літвы ў таварным вагоне, хоча застацца ў Беларусі
Амерыканец, якога знайшлі ў таварным вагоне ў Маладзечне, двойчы спрабаваў трапіць у Беларусь афіцыйна. Яго дэпартуюць
Амерыканец, затрыманы на чыгунцы пад Маладзечнам, ніяк не звязаны з катастрофай на палігоне
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы
Цяпер чытаюць
18‑гадовага хлопца абвінавацілі ў адмаўленні генацыду беларускага народа24
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1111
Каментары
Не блытайце цёплае з мяккім.