Беларускі экс-сенатар арыгінальна зняўся ў рэкламе гатэля ў Гродне
Былы сенатар, а сёння кіраўнік абласных прафсаюзаў Віктар Лісковіч зняўся ў рэкламе гродзенскай гасцініцы «Турыст». Арыгінальны ролік з’явіўся ў яго інстаграме.
Лісковіч, які займае пасаду старшыні Гродзенскага аб’яднання прафсаюзаў, такім чынам прэзентуе прафсаюзную гасцініцу «Турыст».
У відэа гаворыцца пра камфартабельныя нумары, смачную кухню, ветлівы персанал і іншыя перавагі гасцініцы.
Лісковіч, пстрыкаючы пальцамі з калегамі мяняе лакацыі ўнутры гатэля, дэсантуючыся ў кадрах.
Дарэчы, Віктар Лісковіч вельмі актыўна вядзе свой інстаграм, расказваючы пра сваё жыццё. То ён ловіць вудай у тазіку пластыкавых рыбак, то займаецца на трэнажорах, то забівае цвікі ў калоду ды шмат чаго іншага.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары