Сярод замежных кліентаў беларускіх санаторыяў другое месца пасля расіян — у жыхароў краіны Еўрасаюза
Дырэктар Рэспубліканскага цэнтра аздараўлення і санаторна-курортнага лячэння Генадзь Балбатоўскі паведаміў, што ў першым квартале 2025 года колькасць замежных гасцей у беларускіх санаторыях вырасла на 15% у параўнанні з аналагічным перыядам мінулага года.
У 2024 годзе санаторыі Беларусі наведалі людзі з 67 краін. Звычайна кожны год у іх прыязджаюць прадстаўнікі як мінімум 60 дзяржаў. Большасць з іх — з еўрапейскіх краін, але таксама бываюць госці з ЗША, Канады, Аўстраліі і краін Лацінскай Амерыкі.
Найбольш замежных кліентаў прыехала з Расіі, на другім месцы — Латвія, на трэцім — Азербайджан.
Увогуле беларусы складаюць 70% усіх кліентаў беларускіх санаторыяў, а іншаземцы — 30%.
Паводле слоў Балбатоўскага, у мінулым годзе былі распрацаваныя 83 новыя медыцынскія праграмы і дадалося больш за 150 новых працэдур. Дзякуючы росту зацікаўленасці з боку іншаземцаў, прыбытак ад экспарту паслуг перавысіў 80 мільёнаў рублёў.
Цяпер чытаюць
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары
Пры тым, што вынікі гэтага лячэння бранх.асмы ў шахтах ашаламляльна станоўчыя, нідзе гэтае лячэнне ў Беларусі не рэкламуецца, людзі пра гэта ня ведаюць і таму ператвараюцца ў інвалідаў і раней паміраюць, а маглі бы мець доўгае паўнавартаснае жыццё. Мы пра гэта лячэнне даведаліся выпадкова ад пазабаковых людзей, а ўчастковы і алярголаг пра гэта нам нічога ніколі не казалі, хоць стаж хваробы нашага дзіцяці быў ужо некалькі гадоў.
Майму дзіцяці гэтае санаторнае лячэнне амаль вылячыла бранхіяльную асму.
"Толькі тады зажывеш добра, народзе, калі над табою, маскаля ўжо ня будзе."