Міжведамасная камісія па правядзенні конкурсаў на вызначэнне юрыдычных асоб, якія забяспечваюць рэалізацыю выключнага права дзяржавы на ажыццяўленне імпарту прэснаводнай рыбы, прадуктаў перапрацоўкі рыбы і морапрадуктаў, вызначыла пералік спецімпарцёраў.
Пра гэта БелаПАН паведамілі ў Міністэрстве гандлю.
У пералік увайшло 25 юрасоб рознай формы ўласнасці.
Сярод іх — КУП «Гомельскі рыбакомплекс», ААТ «Гроднарыба», ААТ «Брэсцкая абласная база «Бакалея», ДП «Магілёўскі рыбакомплекс», ТАА «Еўрагандаль», ААТ «Мінскбакалеягандаль», ПУП «Белкаапгандаль», ДП «Мінскрыбпрам», ДП «Белрыба», СП «Санта Брэмар» ТАА, УП «Мінскі холадакамбінат № 1», СТАА «Арвітфуд» (Мінск) і інш.
Нагадаем, у красавіку 2010 года ўказам прэзідэнта былі ўнесены змяненні і дапаўненні ў правілы рэгулявання рыбнага рынку. Так, функцыя перададзена ад Кіраўніцтва спраў прэзідэнта Міністэрству сельскай гаспадаркі і харчавання. Пакінута выключнае права дзяржавы на імпарт прэснаводнай рыбы, прадукты перапрацоўкі рыбы і морапрадуктаў. Іх імпартам займаюцца юрыдычныя асобы, якія перамаглі на конкурсе. Марскую свежамарожаную рыбу цяпер змогуць імпартаваць любыя юрыдычныя асобы без правядзення конкурсу.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары