Тры мужчыны і жанчына ў міліцэйскай форме прыйшлі на кватэру да актывіста АГП Данілы Кляўко і, нахабным чынам адмовіўшыся прадставіць ордэр, правялі ў кватэры ператрус.У міліцыі гаспадару кажуць, што ня ведаюць такіх супрацоўнікаў.
Даніла Кляўко распавядае, што дакумэнты яму вельмі хутка паказала толькі жанчына, і адзінае, што ён пасьпеў убачыць — «Кастрычніцкі суд Горадні»… У далейшым на яго патрабаваньні прадставіць ордэр на ператрус людзі ў форме не рэагавалі.
Сярод іх, са слоў Кляўко, адзін быў з камэрай і ўвесь час здымаў. Прысутнічалі таксама і двое панятых, якіх ён раней ніколі ня бачыў.
«Ператрэсьлі ўсю хату, — кажа Даніла Кляўко, — знайшлі толькі камізэльку „За Някляева!“ і ў канцы запатрабавалі расьпісацца на нейкай паперы, чаго я не зрабіў».
Пасьля гэтага ператрусу Даніла Кляўко зьвярнуўся з заявай у міліцыю. І вось сёньня, зь яго слоў, тэлефанаваў начальнік райаддзела і патлумачыў яму: былі зробленыя запыты ва ўсе адпаведныя інстанцыі, і высьветлілася, што ніхто не пасылаў супрацоўнікаў міліцыі да яго зь ператрусам.
Начальнік райаддзела, са слоў Кляўко, сказаў, што яны будуць узбуджаць крымінальную справу і запрасіў яго для прагляду відэакартатэкі, каб выявіць асобы людзей, якія прыходзілі да яго праводзіць ператрус.
-
«Я не магу аддаць 10 тысяч еўра за незразумелы ўрывак у 4 секунды». Што за відэа Мельнікавай спрабуюць уцюхаць Лявончыку і Ціханоўскаму?
-
Маладой дзяўчыне з Баранавіч прысудзілі калонію за ўдзел у раённым чаце. Яе тэлеграм быў неабароненым
-
«Не хапіла аднаго бала». Маці абурылася, што яе дачку не прынялі ў дзясяты клас гімназіі
Цяпер чытаюць
У Мінску адкрылі самую незвычайную развязку — алмазную. Выязджаць трэба як бы на сустрэчку ФОТА5
Каментары