Лукашэнка заявіў пра неабходнасць узмацнення супрацьпаветранай абароны: «Ракеты не абавязкова збіваць»
Для арганізацыі нацыянальнай бяспекі трэба «штосьці новае», заявіў Аляксандр Лукашэнка ў сваім звароце да нацыянальнага сходу і народа 21 красавіка.
«Не буду вам гаварыць, што новае (мы ведаем, што трэба), у нас ёсць усё для таго, каб малымі сіламі мадэрнізаваць і структурна пераўтварыць Узброеныя сілы», — сказаў прэзідэнт.
Пры гэтым, падкрэсліў ён, Беларусь не можа адмовіцца ад супрацьпаветранай абароны. «У нас ёсць чым супрацьстаяць, мы можам дастаць вельмі далёка: наколькі лятае гэты самалёт, наколькі ён б`е па наземных цэлях, але трэба стварыць больш моцны супрацьракетны шчыт», — сказаў Лукашэнка.
«Ракеты, — прадоўжыў ён, — неабавязкова збіваць, яе можна адвесці ад цэлі, а гэта наша прафесія, Беларусі: радыёэлектроніка, матэматыка, оптыка. У нас заўсёды гэта было вельмі развіта, і мы гэтыя школы захаваем».
«Ніякай цытадэлі мы не ствараем, але хто сюды ўлезе — мала не будзе», — падсумаваў Лукашэнка.
Літва зноў зачыніла мяжу з Беларуссю — ізноў шары з кантрабандай9
Каментары