Ежа1515

Бананы, лімоны і персікі выкідваюць з крамаў на сметнік

Прадаўцы скардзяцца, што людзі наогул не купляюць садавіны, таму цэны даводзіцца зніжаць.

Прадаўцы скардзяцца, што людзі наогул не купляюць садавіны, таму цэны даводзіцца зніжаць.

Паводле звестак Белстата, цэны на бананы і персікі знізіліся. А вось родныя бульба і яблыкі, наадварот, падаражэлі.

Белстат: У ліпені ў параўнанні з чэрвенем 2011 цэны на бульбу падняліся на 15,6%, яблыкі падаражэлі на 9,1%. Цэны на персікі знізіліся на 33,1%, бананы — на 23,5%, вінаград — на 16,3%.

Атрымліваецца, наша інфляцыя — праз беларускую бульбу, а не імпартныя бананы? Чаму так адбываецца?

У людзей папросту няма грошай, каб купляць бананы. Таму цэны даводзіцца зніжаць, тлумачаць патанненне садавіны ў фірме-імпарцёры «Альмепрод»:

«Калі раней чалавек купляў дзіцяці галінку бананаў, то цяпер ён купіць адзін або два. У людзей няма грошай, і яны думаюць, як ім купіць малако і хлеб, а не бананы і персікі. Таму, адпаведна, рынак усім гэтым насычаны, і пастаўшчыкам даводзіцца зніжаць цэны. Я лічу, гэта галоўны фактар. Аб’ёмы знізіліся па ўсёй краіне».

У мінскай краме, якая рэалізуе садавіну і гародніну, кажуць, што кожны дзень выкідваюць імпартную прадукцыю на сметнік:

«Ну, садавіна імпартная… я пра яе і гаварыць не буду. У мяне яны не ідуць. Кожны дзень толькі паволі выкідваем. Яны вельмі дарагія. Яблыкі імпартныя… я паволі выкідвала, выкідвала — і выкінула іх. На сённяшні дзень у мяне наогул няма імпартнай прадукцыі. Толькі апельсіны, лімоны, бананы. Іх не купляюць! Н, хто будзе купляць мандарыны па 20 тысяч? Вельмі дрэнна купляюць і бананы…»

Цэны на садавіну зніжаюцца, таму што раней былі завышаныя,
кажуць у фірме «Магнір»:

«Па-першае, сезоннасць. У сезон цана заўсёды падае. Магчыма, зрабілі большы запас у чаканні росту курсу, а потым пакупніцкі попыт зменшыўся — і цану знізілі. Паменшылі гандлёвую надбаўку».

Бульба ў Беларусі за апошні месяц падаражэла на 15,6%. Але ў крамах і на агароднінных базах, а таксама на фермерскіх гаспадарках пра гэта ад «Еўрарадыё» чуюць упершыню.

Фермерская гаспадарка Рынга: «У мяне, наадварот, усё патаннела. Калі я бульбу ў чэрвені прадаваў ад 3 да 5 тысяч, то цяпер цана без ПДВ знізілася да 900 рублёў. Бурак таксама патаннеў. Усе цэны пайшлі ўніз. Бурак быў больш за 2 тысячы — цяпер 1400. Усюды так. Не толькі ў мяне».

Капусту тут наогул прадаюць у страту.

«Таму што інакш яна проста знікне. Хутчэй за ўсё гэта гандаль. Магчыма, у іх з’явілася вольніца з нацэнкамі?»

Але і ў крамах кажуць, што цэны на бульбу падаюць:

«Бульба даўно па цане 2200, і на буракі не павышалася, а падае, і на рынку таксама».

Такая ж сітуацыя і на агароднінных базах:

«У нас цэны, наадварот, панізіліся. Калі бульба ў нас, напрыклад, у чэрвені каштавала 5250, то ў ліпені ўжо было 4000, а ў жніўні — 1800. У нас няма павышэння па гародніне, наадварот — паніжэнне. У жніўні цэны ў нас стабілізаваліся і не змяняюцца».

Ва ўпраўленні спажывецкіх цэн Белстата тлумачаць, што бульба падаражэла па ўсёй краіне. І толькі ў Мінску цэны знізіліся.

Каментары15

Цяпер чытаюць

У Гомелі закрылі забягалаўку прадпрымальніка-лукашыста і знішчылі яго плакат са Сталіным7

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Усе навіны →
Усе навіны

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?7

Колькасць вакансій у Беларусі ў 54 разы большая, чым зарэгістраваных беспрацоўных1

Для аграсядзіб рыхтуюць новыя абмежаванні2

Беларусаў папярэдзілі пра візавую пастку пры наведванні Сербіі і Чарнагорыі2

Мерц катэгарычна супраць пасярэдніцтва Пуціна на Блізкім Усходзе2

Маладую выкладчыцу англійскай мовы асудзілі за ўдзел у пратэстах4

МУС Украіны: Расія разам з целамі ўкраінскіх вайскоўцаў перадае і расійскіх1

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА34

больш чытаных навін
больш лайканых навін

У Гомелі закрылі забягалаўку прадпрымальніка-лукашыста і знішчылі яго плакат са Сталіным7

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Галоўнае
Усе навіны →

Заўвага:

 

 

 

 

Закрыць Паведаміць