Кампанія па абмежавання продажу пладова-ягадных вінаў дае задні ход.
У Светлагорску, у адрозненне ад іншых рэгіёнаў, такое абмежаванне дзейнічала толькі ў начны час — з 22.00 да 9.00. Але цяпер адмянілі і яго. Як паведамляе мясцовая газета «Ранак», за «чарніла» ўступіўся міністр юстыцыі Алег Сліжэўскі. У адказ на запыт Светлагорскага ўпраўлення гандлю Міністэрства юстыцыі РБ падрабязна, на двух старонках расшыфраваў,
што мясцовыя органы ўлады не маюць права прымаць падобнага роду рашэнні.Увёўшы абмежаванні на гандаль «бырлом» яны, на думку Мінюста, перавысілі свае паўнамоцтвы.
Улічваючы масавы характар падобных рашэнняў на месцах і мноства запытаў па дадзенай тэме, у лісце за подпісам міністра юстыцыі Алега Сліжэўскага адзначана: «У пазбяганне розных чутак, лічу мэтазгодным даручыць Міністэрству аховы здароўя, Міністэрству ўнутраных спраў РБ, абласным выканаўчым камітэтам, сумесна з зацікаўленымі, падрыхтаваць адпаведны праект Пастановы Савета Міністраў РБ».
Гэта значыць да прыняцця адпаведнага рашэння ўрада ўсе рашэнні мясцовых уладаў аб абмежаванні продажупладова-ягадных вінаў павінны быць адмененыя.
Нагадаем, што эксперымент з абмежаваннем і нават забаронай на продаж гэтых самых танных алкагольных напояў праходзіць адразу ў некалькіх рэгіёнах Беларусі.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары