Прагноз надвор'я на гэты тыдзень, 1–6 мая.
Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў.
Паводле яго слоў, на гэтым тыдні надвор'е чакаецца крыху больш халодным за тое, што было ў апошніх чыслах красавіка і з большымі кантрастамі тэмпературы паветра паміж поўначчу і поўднем Беларусі.
1 мая надвор'е будзе вызначацца вобласцю павышанага атмасфернага ціску, днём на характар надвор'я будзе ўплываць халодны атмасферны фронт. Ноччу будзе пераважна без ападкаў, а днём месцамі пройдуць кароткачасовыя дажджы, магчымыя навальніцы. Тэмпература паветра ноччу ад плюс 6°С па поўначы да плюс 16°С па поўдні, днём плюс 16—23°С, па поўдні плюс 24—28°С. У Брэсцкай вобласці захаваецца спякотнае надвор'е, месцамі да плюс 30°С.
Паводле слоў сіноптыка, у сераду большая частка краіны апынецца пад уплывам вобласці павышанага атмасфернага ціску, сфарміраванай у больш халаднаватым паветры. Будзе пераважна без ападкаў, толькі днём па Брэсцкай вобласці месцамі прагназуюцца кароткачасовыя дажджы. Ноччу і раніцай слабы туман.
Тэмпература паветра ноччу плюс 1—7°С, днём плюс 12—20°С. Па паўднёвым захадзе плюс 8—12°С, днём плюс 21—28°С.
Як паведаміў Рабаў, у чацвер надвор'е будзе вызначаць атмасферны фронт. Таму месцамі пройдуць кароткачасовыя дажджы і навальніцы. Тэмпература паветра ноччу складзе плюс 4—11°С, днём 19—20°С. Па паўднёвай палове ноччу плюс 12—15°С, днём 21—27°С.
Паводле слоў сіноптыка, у пятніцу ноччу чакаецца пераважна без ападкаў, днём месцамі кароткачасовыя дажджы, навальніцы. Тэмпература паветра ноччу месцамі плюс 2—9, па поўдні да плюс 10—13°С.
Па паўночнай палове магчымыя першыя замаразкі да 0°С — мінус 2°С. Днём ад плюс 12°С па поўначы да плюс 24°С па поўдні.
У выхадныя на тэрыторыю Беларусі зноў пачне паступаць больш цёплае паветра, аднак яно будзе вільготным. Таму ў суботу на большай частцы тэрыторыі Беларусі, у нядзелю месцамі чакаюцца кароткачасовыя дажджы і навальніцы. Тэмпература паветра ў суботу ноччу плюс 7—14°С, днём плюс 13—20°С, па паўднёвым усходзе да плюс 26°С. У нядзелю ноччу плюс 5—12°С, днём плюс 13—20°С, па паўднёвым усходзе да плюс 25°С.
Рабаў таксама распавёў пра надвор'е у абласных цэнтрах на 1 мая.
У Гродне чакаецца без істотных ападкаў, тэмпература паветра ноччу плюс 12—15°С, днём 22—24°С.
У Брэсце без ападкаў, ноччу плюс 12—14°С, днём 27—29°С.
У Гомелі ноччу без ападкаў, днём магчымы невялікі кароткачасовы дождж, навальніца. Тэмпература паветра ноччу плюс 11—12°С, днём 23—25°С.
У Магілёве ноччу без ападкаў, днём кароткачасовы дождж з навальніцай. Тэмпература паветра ноччу плюс 10—12°С, днём 20—22°С.
У Віцебску без істотных ападкаў. Тэмпература паветра ноччу плюс 7—9°С, днём 17—20°С.
У Мінску чакаецца пераменная воблачнасць. Ноччу без істотных ападкаў, днём кароткачасовы дождж, навальніца. Вецер няўстойлівы слабы. Днём ён зменіцца на паўночны 4—9 м/с. Тэмпература паветра ноччу складзе плюс 11—13°С,
днём плюс 20—22°С.
Каментары