Пра гэта гаворыцца на сайце аргкамітэта Партыі свабоды і прагрэса.
«Арганізацыйны камітэт Партыі свабоды і прагрэса прыняў рашэнне ўдзельнічаць у выбарчай кампаніі ў парламент і вылучыць свайго лідара Уладзіміра Навасяда кандыдатам у дэпутаты», — гаворыцца ў заяве.
«Сябры аргкамітэта вырашылі не распыляць свае сілы і сканцэнтравацца на працы ў адной акрузе, каб перамагчы ці даказаць, што выбары былі сфальсіфікаваныя».Навасяд адзначае, што ў яго ініцыятыўную групу гатовыя ўвайсці 500 чалавек. Адзначаецца, што каманда Навасяда вылучала сваіх прадстаўнікоў у акруговыя камісіі, але ім было адмоўлены.
Аргкамітэт Партыі свабоды і прагрэса існуе з 2003 года. За гэты час арганізацыя некалькі разоў спрабавала зарэгістравацца ў Міністэрстве юстыцыі, але сутыкалася з адмовамі.
Ад 2000 да 2004 Уладзімір Навасяд ужо з’яўляўся дэпутатам палаты прадстаўнікоў.
Каментары