Ciapier važna nia jak spartoviec hulaje, a jak jon vyhladaje.
Napačatku byŭ Devid Bekchem. Pieršy futbalist — ikona pop-kultury. Siońnia svaje Bekchemy jość užo ŭ Rasiei, Rumynii, Ukrainie. Aryhinał, zrazumieła, tolki adzin. Tajlandcy navat pastavili jamu pomnik — załatuju statuetku la noh Budy ŭ śviatyni ŭ Banhkoku, u miescy, pryznačanym dla nižejšych bostvaŭ.
Rehularny klijent salonaŭ pryhažości (na hałavie ŭ jaho ŭ roznyja časy krasavaŭsia irakiez, koski i bliskučaja łysina), za vyklučeńniem drobnych incydentaŭ nie zaŭvažany ŭ skandałach, žonku Viktoryju Adamz, eks-zorku «Spajs Hiorłz», kachaje da śmierci. Pavodle ŭłasnaha pryznańnia, prymiaraje jaje spodniuju bializnu. Idealny tata, choć synam daŭ dziŭnyja imiony — Bruklin, Rameo i Kruz.
Nie zajmajecca palitykaj, abychodzicca biaz rezkaściaŭ — idał universalny, jaki paziraŭ navat z vokładak vydańniaŭ dla homaseksualistaŭ. Tolki voś u futboł Bekchem hulaje ŭsio słabiej. Ničoha! Za miežami futbolnaha pola jon zarablaje značna bolš. I daje zarablać inšym. Pakoj u japonskaj haścinicy, u jakim futbalist žyŭ padčas čempijanatu śvietu, paśla jaho vyjezdu byŭ zabraniravany na dva hady napierad.
Andrej Šaŭčenka
Asoba ekskluziŭnaja. Hulaje ŭ «Milanie», ale zaŭvažyć jaho možna nia tolki na stadyjonie «San-Syra», ale i na podyjumie (Milan — stalica mody) u strojach ad Armani. U Kijevie jon adkryŭ ułasnuju kramu darahoha adzieńnia. Jahonaja žonka Kryścin — byłaja amerykanskaja madel i kolišniaja partnerka Persylvija Berluskoni, syna premjer-ministra Italii. Premjer — adnačasova ŭładalnik klubu «Milan».
Adryjan Mutu
Uzor płejboja. Dva hady nazad razvodziŭsia z rumynskaj aktorkaj Alaksandraj Dynu, potym sustrakaŭsia z kučaj madelaŭ i televiadučych roznych nacyjanalnaściaŭ, urešcie ažaniŭsia z daminikankaj Kansuełaj Matas.
Usio tamu, što Mutu pieražyvaje ciažki peryjad. Kali ź italjanskaj «Parmy» jon pierajšoŭ u londanski «Čełsi», rumyn byŭ stałym klijentam načnych klubaŭ, naviedvaŭ ich ź impetam mańjaka, až pakul nia byŭ dyskvalifikavany na siem miesiacaŭ za ŭžyvańnie kakainu.
Siarhiej Aŭčyńnikaŭ
Mianuška «Bos» raskryvaje charaktar 35-hadovaha varatara maskoŭskaha «Lakamatyvu». Jon słavuty ahresiŭnaściu na poli, matam kryje ŭłasnych kaleh. Tłumačyć, što abaroncy «sami ab hetym prosiać, bo heta dapamahaje im skancentravacca». Svaimi pavodzinami jon zdabyŭ sabie status zorki. Na podyjum Aŭčyńnikaŭ nie hadzicca, ale ŭsio novyja jaho pryčoski pryvodziać u zamiašańnie cyrulnikaŭ, jakija vymušany kapijavać ich na hałovach tysiač rasiejskich zaŭziataraŭ.
Pośpiechi rasiejskaj zbornaj na poli dosyć ścipłyja. Tamu, kab uratavać Siarhiejevu reputacyju, jahonaja žonka Inha paśla letašniaha prajhranaha matču z Narvehijaj pryniała rašeńnie raspranucca pierad kameraj i ŭhavaryła sfatahrafavacca ŭ hołym vyhladzie vosiem inšych futbalisckich žonak. «A jak inakš ja mahła im dapamahčy?» — tłumačyła svoj učynak žonka «Bosa».
I praŭda, što ź ich jašče ŭziać?
Pavodle gazeta.pl
Kamientary