Pad Hancavičami ŭčastkovy stralaŭ u pjanaha mužčynu. Siłavik atrymaje kampiensacyju maralnaj škody
Mužčyna z nažom upeŭniena pajšoŭ na milicyjaniera, toj vyrašyŭ strelić, kab jaho spynić.
Stralba ŭ vioscy Pieravałoki Hancavickaha rajona zdaryłasia ŭ lipieni. 73‑hadovaja žančyna vyklikała milicyju na susieda. Na miescy siłaviki ŭbačyli mužčynu, jak paviedamlajecca, ź vidavočnymi prykmietami ałkaholnaha apjanieńnia. U rukach u jaho byŭ kuchonny nož.
Ubačyŭšy ŭčastkovaha, mužčyna pajšoŭ prosta na jaho, razmachvajučy nažom i vykrykvajučy pahrozy. Milicyjanier skazaŭ mužčynu kinuć nož, a potym streliŭ jamu ŭ nahu. Paranienaha pieradali miedykam, na jaho zaviali spravu za pahrozu prymianieńnia hvałtu ŭ adras siłavikoŭ, piša pres-słužba suda.
Akramia taho, učastkovy padaŭ pazoŭ ab kampiensacyi maralnaj škody na sumu ŭ 2000 rubloŭ. Mužčyna vinu pryznaŭ tolki častkova. Jon paćvierdziŭ, što byŭ pjany i ŭziaŭsia za nož. Ale pry hetym śćviardžaŭ, što nie pahražaŭ milicyjantam i nie abražaŭ ich.
U vyniku sud pryznačyŭ abvinavačanamu dva hady kałonii ŭzmocnienaha režymu. Jašče jon pavinien budzie vypłacić 2000 rubloŭ učastkovamu, jaki ŭ jaho stralaŭ.
Kamientary